საზოგადოება

მმართველი გუნდი საკონსტიტუციო მონარქიის თემაზე საქართველოს კათოლიკოს-პატრიარქს ხვდება

მმართველი გუნდი საკონსტიტუციო მონარქიის თემაზე საქართველოს კათოლიკოს-პატრიარქთან, ილია მეორესთან შეხვედრას გეგმავს.

როგორც დღევანდელ პრესკონფერენციაზე პარლამენტის თავმჯდომარემ, ირაკლი კობახიძემ განაცხადა, საკითხთან დაკავშირებით ექნებათ პატრიარქთან შეხვედრა.

”ჩვენ აუცილებლად გვექნება პატრიარქთან შეხვედრა. ამ შეხვედრის შემდეგ გახდება შესაძლებელი განცხადებების გაკეთება. რაც უწმინდესმა ბრძანა არის ჭეშმარიტება - საუბარია იმაზე, რომ კონსტიტუციურ მონარქიას შემოაქვს სიმშვიდე პოლიტიკურ და საზოგადოებრივ ცხოვრებაში. ჩვენ უნდა გავითვალისწინოთ ყველა ფაქტორი, მათ შორის ჩვენი სპეციფიკა, ადგილობრივი სპეციფიკა. ამასთან დაკავშირებით გვექნება საუბარი და ამის შემდეგ იქნება შესაძლებელი კომენტარების გაკეთება”, - განაცხადა პარლამენტის თავმჯდომარემ.

ნინო ექვთიმიშვილი