კომენტარი

“მმართველი უმრავლესობა და ბიძინა ივანიშვილი არიან დაკავებული საკუთარი კლანური ინტერესებით, გავლენის სფეროებით და კორუფციის წყაროების გადანაწილებით”

ხვალისთვის დაანონსებულ უმრავლესობის სხდომას "ნაციონალური მოძრაობის" ერთ-ერთი ლიდერი, სალომე სამადაშვილი ეხმაურება.

„ქვეყანა არის კრიზისში შესული, როდესაც ძალიან მძიმე სოციალური ფონია, ეკონომიკური ვითარება არის უმძიმესი, საგარეო ფრონტზე ჩვენ ვდგავართ საფრთხის წინაშე, დავკარგოთ ის, რაც მიღწეული გვაქვს და ქვეყნის უსაფრთხოება არის სრულიად მოშლილი - მმართველი უმრავლესობა და ბიძინა ივანიშვილი არიან დაკავებული საკუთარი კლანური ინტერესებით, გავლენის სფეროებით და კორუფციის წყაროების გადანაწილებით მმართველი გუნდის შიგნით. ამიტომ არანაირი მოლოდინი არ მაქვს ამ უმრავლესობის სხდომიდან, რომ გაირკვევა რაიმე ქართველი ხალხისთვის. ეს არის შიდაპოლიტიკური გარჩევები "ქართული ოცნების" შიგნით გავლენების გადასანაწილებლად.“- აცხადებს სალომე სამადაშვილი.

უმრავლესობის სხდომა ხვალ გაიმართება. მასში მონაწილეობას ბიძინა ივანიშვილიც მიიღებს.