სამართალი
მნიშნელოვანია საკონსტიტუციო სასამართლოში შესაბამისი კვალიფიკაციის მქონე მოსამართლეები იყვნენ არჩეული - ირაკლი კობახიძე
პარტია „ქართული ოცნების“ აღმასრულებელი მდივნის ირაკლი კობახიძის განცხადებით, მმართველი გუნდისთვის მნიშვნელოვანია, რომ საკონსტიტუციო სასამართლოში ისეთი მოსამართლეები იყვნენ არჩეული, რომლებიც შესაბამისი კვალიფიკაციით გამოირჩევიან.
ამის შესახებ კობახიძემ საკონსტიტუციო სასამართლოს 4 მოსამართლის უფლებამოსილების ამოწურვისა და ახალი კანდიდატრების დასახელების საკითხის კომენტირებისას განაცხადა.
„მხოლოდ პარლამენტის გადასაწყვეტია, ვინ იქნება მოსამართლე საკონსტიტუციო სასამართლოში. ჩვენთვის მთავარია, რომ მოსამართლე იყოს შერჩეული მაღალი პროფესიული სტანდარტების შესაბამისად და საკონსტიტუციო სასამართლოში აღარ იყვნენ წარმოდგენილი ისეთი მოსამართლეები, რომლებიც არ გამოირჩევიან შესაბამისი კვალიფიკაციით“,-განაცხადა კობახიძემ.
შეგახსენებთ, რომ საკონსტიტუციო სასამართლოს 4 მოსამართლეს უფლებამოსილების ვადა 30 სექტემბერს ეწურება.
„საკონსტიტუციო სასამართლოს შესახებ“ კანონის მიხედვით , 1 სექტემბერს უნდა მოხდეს 4 ახალი კანდიდატურის დასახელება .
აქედან 2 კანდიდატურას პრეზიდენტი დაასახელებს, 1-ს პარლამენტი და 1 საკონსტიტუციო სასამართლოს პლენუმი
მონიკა დავლიანიძე