უახლესი ამბები
- 24.04.2024 18:09Startup Grind - ის მორიგი ღონისძიება ბათუმში გაიმართება - მხარდამჭერი საქართველოს ბანკია
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
- 24.04.2024 14:16იდენტიფიცირებული იქნებიან ის პირები, რომლებიც, ხალხის რაოდენობის სიმცირის მიუხედავად, აქციის მონაწილეებს გზების პარალიზებისკენ მოუწოდებენ - შსს
არქივი
საზოგადოება
მნიშვნელოვანია დისკუსია, როგორ უნდა გაშუქდეს მსგავსი მოვლენა, რომ რისკის ქვეშ არ დავაყენოთ ჩვენი მებრძოლეები და მოქალაქეები - პრეზიდენტი
საქართველოს პრეზიდენტმა გიორგი მარგველაშვილმა ქართული მედიის მიერ კონტრტერორისტული სპეცოპერაციის გაშუქება შეაფასა. ის მიესალმა საქართველოს ჟურნალისტური ეთიკის ქარტიის შენიშვნებს და იმედი გამოთქვა, რომ ამ მსჯელობის საფუძველზე შეიქმნება ერთიანი სტანდარტი ჟურნალისტებისთვის.
„მე მინდა, მივესალმო აქტიურობას მედიის მხრიდან. განსაკუთრებით მივესალმები ქარტიის აქტიურობას, იმიტომ რომ მან დააფიქსირა თავისი პოზიცია გაშუქებასთან დაკავშირებით. ეს ძალიან მნიშვნელოვანია და ეს ხდებოდა ოპერაციის მიმდინარეობისას.
ჩვენი მედიის დამოუკიდებლობა და თავისუფლება არის ასევე ძალიან მნიშვნელოვანი ღირებულება ქართული საზოგადოებისთვის. ამავე დროს ძალიან მნიშვნელოვანი იქნება დისკუსია იმაზე, როგორ უნდა მიმდინარეობდეს ანალოგიური ვითარების გაშუქება, როგორ უნდა დავიცვათ სტანდარტები, რომ რისკის ქვეშ არ დავაყენოთ არც ჩვენი მებრძოლეები, არც ჩვენი მოქალაქეები. ამ თვალსაზრისით ქარტიის მიერ დაწყებული მსჯელობა, კარგი იქნება, თუ გადავა თვითონ მედიაში და მედია თავის სტანდარტებს შექმნის“, -თქვა პრეზიდენტმა.
ანა მებურიშვილი