საზოგადოება
მომავალი წლიდან მოსწავლეებს ექნებათ მსუბუქი ჩანთები, სახალისო გაკვეთილები -ალექსანდრე ჯეჯელავა
განათლებისა და მეცნიერების მინისტრის ალექსანდრე ჯეჯელავას განცხადებით, 2017 წლიდან მოსწავლეებს მსუბუქი ჩანთები ექნებათ და სახალისო გაკვეთლები.
ამის შესახებ მინისტრმა განათლებისა და მეცნიერების სტრატეგიული გეგმის წარდგენისას განაცხადა.
მისივე თქმით, 201„7 წლის სიახლეს კიდევ ელექტრონული წიგნები წარმოადგენს, თუმცა მისი გამოყენება ოჯახისთვის იქნება არჩევითი.
"მომავალი წლიდან მოსწავლეებს ექნებათ მსუბუქი ჩანთები, რომელიც გაყოფილი იქნება ნაწილებად, ვინაიდან მოგეხსენებათ, ჩანთის სიმძიმის პრობლემა ბევრი ოჯახის უკმაყოფილებას იწვევს. ასევე იქნება სახალისო გაკვეთილები. წიგნების ხარისხობრივ გადამუშავებასთან ერთად ვმუშაობთ ელექტრონული წიგნების შექმნაზე. რა თქმა უნდა, იქნება არჩევითი. ოჯახის მიერ იქნება არჩეული იხელმძღვანელებს, თუ არა ელექტრონული სახელმძღვანელოთი. ვფიქრობთ, დროთა განმავლობაში ელექტრონული სახელმძღვანელოების მოხმარების რაოდენობა გაიზრდება და უფრო ინტენსიური გახდება”, - განაცხადა ალექსანდრე ჯეჯელავამ.
მინისტრმა პედაგოგებზეც ისაუბრა და აღნიშნა, რომ „ჩვენი პედაგოგები არიან გმირები“.
მინისტრის თქმით, „ყველაზე მაღალი საფეხურის პედაგოგებს ექნებათ ხელფასი 1100 ლარი“, დანარჩენთან მიმართებაში დიფერენცირებული მიდგომა იქნება.
მონიკა დავლიანიძე