უახლესი ამბები
- 24.04.2024 18:09Startup Grind - ის მორიგი ღონისძიება ბათუმში გაიმართება - მხარდამჭერი საქართველოს ბანკია
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
- 24.04.2024 14:16იდენტიფიცირებული იქნებიან ის პირები, რომლებიც, ხალხის რაოდენობის სიმცირის მიუხედავად, აქციის მონაწილეებს გზების პარალიზებისკენ მოუწოდებენ - შსს
- 24.04.2024 13:01საქართველოს ბანკის მხარდაჭერით გლდანი მოლი ფართოვდება
- 24.04.2024 12:38მესტიის მერი მეორე წელია დეკლარაციაში არ უთითებს ხელფასსა და 7 უძრავ ქონებას - `საერთაშორისო გამჭვირვალობა-საქართველოს`
- 24.04.2024 11:57ახალგაზრდების სოციალური მეწარმეობის პროექტების ხელშეწყობის პროგრამაზე რეგისტრაცია განახლებული პირობებით დღეს დაიწყება
- 24.04.2024 11:30შურისძიების მოტივით ჩადენილი მკვლელობის ფაქტზე ბრალდებულს 12 წლით თავისუფლების აღკვეთა მიესაჯა
- 24.04.2024 11:19პარტია „საქართველოსთვის“ წევრი ნოდარ შეროზია რუსთავის საკრებულოს თავმჯდომარეობიდან გადააყენეს
არქივი
პოლიტიკა
მონტენეგრო მხარს უჭერს საქართველოს ევრო-ატლანტიკურ მისწრაფებებს
გუშინ, საქართველოს ვიცე-პრემიერი, საგარეო საქმეთა მინისტრი მიხეილ ჯანელიძე მონტენეგროს საგარეო საქმეთა მინისტრს სრჯან დარმანოვიჩს შეხვდა.
შეხვედრაზე მხარეებმა განიხილეს საქართველოსა და მონტენეგროს შორის ორმხრივი და მრავალმხრივი ურთიერთობების მნიშვნელოვანი საკითხები. მხარეები მიესალმნენ მონტენეგროსა და საქართველოს შორის მაღალი დონის ვიზიტებისა და საერთაშორისო ფორუმებზე შეხვედრების გააქტიურების დინამიკას. ხაზი გაესვა ეკონომიკური ურთიერთობების განვითარების არსებულ პოტენციალს. შეხვედრისას აღინიშნა მონტენეგროს საპატიო საკონსულოს გახსნის მნიშვნელობა.
საქართველოს საგარეო უწყების ხელმძღვანელმა კოლეგას მიაწოდა ინფორმაცია საქართველოს ევროპული და ევროატლანტიკური ინტეგრაციის მიმდინარე დღის წესრიგისა და სამომავლო პერსპექტივების შესახებ.
„ჩვენ ვისაუბრეთ საქართველოს ნაბიჯებზე და სურვილზე გააკეთოს იმაზე მეტი ვიდრე ასოცირების შეთანხმება მოითხოვს ჩვენგან. ასევე ვისაუბრეთ საგზაო რუკაზე, რომელიც აახლოებს საქართველოს ევროკავშირთან და აახლოებს საქართველოს საბოლოო მიზანთან. ჩვენ შევთანხმდით, რომ გავცვლით ინფორმაციას, გვექნება აქტიური კონსულტაციები და გამოცდილების გაზიარება ამ მიმართულებით“ - აღნიშნა მინისტრმა პრეს-კონფერენციაზე, რომელიც ორმხრივი შეხვედრის დასრულების შემდგომ გაიმართა.
მიხეილ ჯანელიძის განცხადებით მნიშვნელოვანია, რომ ევროკავშირმა დასავლეთ ბალკანეთის ქვეყნებისთვის აქტიურად გახსნა წევრობის პერსპექტივა და შესაძლო გაწევრიანების თარიღად უკვე დასახელდა 2025 წელი. მინისტრმა წარმატება უსურვა მონტენეგროს ამ პროცესში და აღნიშნა, რომ საქართველო გაიზიარებს ქვეყნის გამოცილებას გაწევრიანების პროცესში არსებულ გამოწვევებთან და შესაძლებლობებთან დაკავშირებით.
ორი ქვეყნის საგარეო საქმეთა მინისტრების ერთობლივ პრეს-კონფერენციაზე მიხეილ ჯანელიძემ მადლობა გადაუხადა მონტენეგროს საქართველოს მოქალაქეებისთვის უვიზო მიმოსვლის რეჟიმის დაწესებისთვის.
„მსურს ხაზი გავუსვა და მადლობა გადავუხადო ჩემს კოლეგას მიღებული გადაწყვეტილებისთვის, რომელიც უკავშირდება საქართველოს მოქალაქეებისთვის უვიზო მიმოსვლის რეჟიმის დაწესებას. ჩვენ, ჩვენის მხრივ უვიზო რეჟიმი გვაქვს მონტენეგროს მოქალაქეებისთვის. უკვე გამოქვეყნდა მონტენეგროს შესაბამის საჯარო სივრცეში განკარგულება, რომლითაც უქმდება საქართველოს მოქალაქეებისთვის სავიზო რეჟიმი. დარწმუნებული ვარ, რომ ეს ორმხრივი უვიზო რეჟიმი, რომელიც არსებობს ორ ქვეყანას შორის, შეუწყობს ხელს ტურიზმის მიმართულების განვითარებას და არამხოლოდ ტურისტული ნაკადების გაზრდას, არამედ ასევე ინვესტიციების გაზრდას ამ მიმართულებით, როგორც საქართველოდან მონტენეგროში, ასევე მონტენეგროდან საქართველოში“ - განაცხადა მიხეილ ჯანელიძემ.
როგორც შეხვედრისას, ასევე პრეს-კონფერენციის ფარგლებში სრჯან დარმანოვიჩმა დაადასტურა საქართველოს სუვერენიტეტისა და ტერიტორიული მთლიანობის, ასევე ნატოსა და ევროკავშირში ინტეგრაციის უპირობო მხარდაჭერა.
„მინდა აღვნიშნო, რომ მონტენეგრო გახლავთ ალიანსის სრულუფლებიანი წევრი და ჩვენ მხარს ვუჭერთ ნატო-ს ღია კარის პოლიტიკას, მათ შორის სრულ მხარდაჭერას ვუცხადებთ ასპირანტი ქვეყნების, მათ შორის საქართველოს მისწრაფებებს. ერთობლივადაა აღიარებული, რომ ნატო არის ყველაზე ძლიერი და გრძელვადიანი გარანტორი ჩვენი ქვეყნების უსაფრთხოების, ტერიტორიული მთლიანობისა და სუვერენიტეტის. ისევე როგორც წინაპირობა ეკონომიკური განვითარების და უცხოური ინვესტიციების მეტი შემოდინების“ - განაცხადა სრჯან დარმანოვიჩმა.
ორდღიანი ვიზიტის ფარგლებში მონტენეგროს საგარეო უწყების ხელძღვანელი შეხვედრებს გამართავს საქართველოს პრემიერ-მინისტრთან გიორგი კვირიკაშვილთან და ფინანსთა მინისტრთან მამუკა ბახტაძესთან. 13 ივნისს მონტენეგროს საგარეო საქმეთა მინისტრი, საქართველოს საგარეო საქმეთა მინისტრის მოადგილე ვახტანგ მახარობლიშვილთან ერთად, მონაწილეობას მიიღებს საქართველოში მონტენეგროს საპატიო საკონსულოს გახსნის ცერემონიაში. ვიზიტის ფარგლებში, მინისტრი მოინახულებს საოკუპაციო ხაზთან მდებარე სოფელ ხურვალეთს და ადგილზე გაეცნობა იქ არსებულ ვითარებას. სრჯან დარმანოვიჩი ასევე პატივს მიაგებს საქართველოს ტერიტორიული მთლიანობისთვის დაღუპულ გმირთა მემორიალს.