უკან

უახლესი ამბები

დღის კალენდარი

ანონსები

არქივი

საზოგადოება

23 იანვარი, 2020 14:50
font-size

მოქალაქეებმა, რომლებიც ბოლო პერიოდში ჩინეთში იმყოფებოდნენ, ვირუსის სიმპტომების შემთხვევაში ინფექციურ საავადმყოფოებს უნდა მიმართონ

საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროში კორონავირუსის გავრცელების საკითხზე დღეს შეხვედრა გაიმართა.

დაავადებათა კონტროლის ეროვნული ცენტრის დირექტორის, ამირან გამყრელიძის განცხადებით, შეხვედრაზე, რომელშიც ექსპერტები და დარგის სპეციალისტები მონაწილეობდნენ, გეგმის ორი ვერსია განიხილეს.

გამყრელიძის თქმით, ერთია გადაუდებელი ღონისძიებები, რაც ქვეყანაში უახლოეს პერიოდში უნდა განხორციელდეს, ასევე შეთანხმდნენ გრძელვადიანი გეგმის ძირითად პრინციპებზეც.

გამყრელიძის განმარტებით, გადაუდებელი ღონისძიებების ნაწილი ძირითადად საინფორმაციო სახისაა.
კერძოდ, გამყრელიძე ამბობს, რომ საქართველოს საზღვრებზე განთავსდება ბანერები ქართულ, ინგლისურ და ჩინურ ენებზე, ყველა მოგზაური მიიღებს ინფორმაციას, თუ ვის უნდა მიმართოს დაავადების სიმპტომების არსებობის შემთხვევაში.

„შეხვედრაზე წარდგენილი იყო გეგმის ორი ვერსია, ერთი გადაუდებელი ღონისძიებები, რომლებიც უკვე დღეიდან და ხვალიდან უნდა განხორციელდეს ქვეყანაში, ასევე ხანგრძლივვადიან გეგმის ძირითად პრინციპებზე შევჯერდით. გადაუდებელ ღონისძიებებთან დაკავშირებით, ძირითადად იქნება საინფორმაციო ღონისძიებები, ანუ საქართველოს საზღვრებზე დაიდგმევა ბანერები სამ ენაზე – ქართულ, ინგლისურ და ჩინურ ენებზე. ყველა მოგზაურს, რომელიც ჩინეთიდან და სხვა ქვეყნებიდან ჩამოვა, მიეცემა ინფორმაცია, თუ აქვთ სიმპტომები, ვის უნდა მიმართოს, სად დარეკოს და სხვა“, – განაცხადა ამირან გამყრელიძემ.

ამასთან, გამყრელიძის განმარტებით, სასწრაფოს ექიმების სწრაფი გადამზადება განხორციელდება.

„გამოიყო ძირითადად რამდენიმე საავადმყოფო, სადაც ასეთი შემთხვევის დაფიქსირებისას ადამიანები უნდა მოთავსდნენ. ეს არის ცენტრალური ინფექციური საავადმყოფო, ქუთაისის, ბათუმისა და ზუგდიდის ინფექციურები. ხდება კონსოლიდაცია მარაგების, რაც საჭიროა ამ ტიპის ავადმყოფობის მართვისთვის. რა თქმა უნდა, ვმუშაობთ უფრო ხანგრძლივვადიან გეგმაზე, როგორ მოვიქცეთ, თუ მრავალ ქვეყანაში მოხდა ამ ეპიდაფეთქების ექსპორტი“,- განაცხადა ამირან გამყრელიძემ.

გამყრელიძის თქმით, საქართველოში ინფექციის შემოტანის ალბათობა მინიმალურია, თუმცა არსებობს. ასევე, ამირან გამყრელიძე მოუწოდებს ადამიანებს, რომლებიც ბოლო პერიოდში ჩინეთში იმყოფებოდნენ, ვირუსის სიმპტომების შემთხვევაში, ინფექციურ საავადმყოფოებს მიმართონ.

„საქართველოს უხანთან პირდაპირი რეისი არ აქვს, ამიტომ ინფექციის შემოტანის ალბათობა მინიმალურია, მაგრამ, რა თქმა უნდა, არსებობს, რის გამოც მზადყოფნა აუცილებელია.

ამ ინფექციის სიმპტომები არის ის, რაც ახასიათებს ნებისმიერ რესპირატორულ დაავადებას, ანუ მაღალი ცხელება, ხველა, თავის ტკივილი, სისუსტე და სუნთქვის უკმარისობა. ჩვენ კონცენტრაციას ვაკეთებთ ადამიანებზე, რომლებიც ჩინეთში ბოლო ორი კვირის განმავლობაში და განსაკუთრებით უხანში იყვნენ. თუ ასეთ ადამიანს ეწყება მსგავსი სიმპტომები, აუცილებლად მიმართონ შემდგომი დიაგნოსტიკისთვის ინფექციურ საავადმყოფოებს. ჩვენ ასევე ვაძლიერებთ ლუგარის ცენტრში ჩვენს ლაბორატორიულ შესაძლებლობებს, რათა მოხდეს კორონავირუსის იდენტიფიცირება“,- განაცხადა ამირან გამყრელიძემ.

ბოლო მონაცემებით, კორონავირუსის ახალი სახეობით ჩინეთში გარდაცვლილია 17 ადამიანი, ინფიცირებულია 450-ზე მეტი პირი. კორონავირუსის შემთხვევები ასევე დაფიქსირდა იაპონიაში, ტაილანდში, ტაივანში, ჰონგ კონგში, სამხრეთ კორეასა და აშშ-ში.
1tv.ge

ვის ჩაუტარდება აგრესიული ტესტირება? - სამინისტრომ სხვადასხვა ჯგუფებისთვის COVID-19-ის ტესტირების ახალი ალგორითმები დაამტკიცა

9 აპრილი, 2020 , 17:05

საზოგადოების ის ჯგუფები, რომლებსაც აგრესიული ტესტირება ჩაუტარდებათ, ცნობილია. ეს ჯგუფები არიან: პენიტენციურ დაწესებულებებში, ხანდაზმულთა სადღეღამისო სპეციალიზებულ დაწესებულებებში, სტაციონარულ ფსიქიატრიულ დაწესებულებებში

ეს იმდენად დიდი გამოწვევაა არა მხოლოდ საქართველოსთვის, არამედ მსოფლიოსთვის, აქ ყველანაირი პროგნოზი არის პირობითი - გიორგი გახარია

9 აპრილი, 2020 , 15:55

ყველაფერი შესაძლებელია, ყველაფერი იქნება დამოკიდებული ეპიდემიოლოგიური მდგომარეობის დინამიკაზე მის დამძიმებაზე, ან პირიქით და ვნახოთ როგორ განვითარდება ვითარება. ჩვენი ძირითადი ამოცანა არის ადამიანების ჯანმრთელობა, - ამის

საქართველოს მთავრობა უკვე მუშაობს საგანგებო მდგომარეობის პირობებიდან გამოსვლის გეგმაზე - გიორგი გახარია

9 აპრილი, 2020 , 15:25

საქართველოს მთავრობა უკვე მუშაობს გეგმაზე ამ გამკაცრებული ღონისძიებების, კარანტინის და საგანგებო მდგომარეობის პირობებიდან გამოსვლის გეგმაზე. ეს ერთ დღეში და ერთ კვირაში ვერ მოხდება. ეს უნდა იყოს აბსოლუტურად გააზრებული გე

79 ქართველ სკოლის მოსწავლეს, რომელიც დღეს აშშ-ში იმყოფება, საქართველოში ჩამოვიყვანთ - გიორგი გახარია

9 აპრილი, 2020 , 15:10

ჩვენ 10 დღის განმავლობაში ვმუშაობდით და საქართველოს მთავრობამ და ამერიკის შეერთებული შტატების მთავრობამ, ერთობლივად მივიღეთ გადაწყვეტილება, 79 ქართველი სკოლის მოსწავლე, რომელიც დღეს იმყოფება ამერიკის შეერთებულ შტატებში,

მინდა მოვუწოდო ყველას, თუ გაქვთ სიცხე, გიჭირთ სუნთქვა, პირველი რაც უნდა გააკეთოთ, უნდა დარეკოთ 112-ში - გიორგი გახარია

9 აპრილი, 2020 , 14:45

ქოლ-ცენტრ 144-ზე ზარების რაოდენობა მნიშვნელოვნად არის შემცირებული, რადგან მოქალაქეებმა უკვე დეტალურად იციან, როგორია საგანგებო მდგომარეობის საკანონმდებლო სპეციფიკა, - ამის შესახებ საქართველოს პრემიერ-მინისტრმა გიორგი გახ

გვახსოვდეს წარსული და გვახსოვდეს ის ერთიანობის განცდა, რამაც ჩვენ 1989 წლის 9 აპრილიდან, 1991 წლის 9 აპრილამდე მიგვიყვანა - გიორგი გახარია

9 აპრილი, 2020 , 14:45

ჩვენ, ჩვენი გმირების ხსოვნას პატივი უნდა მივაგოთ ყოველთვის. უნდა გვახსოვდეს, რომ ეს მსხვერპლი გაღებული იყო იმისთვის, რომ ჩვენ უნდა შევქმნათ წარმატებული, ეფექტური სახელმწიფო და ეს ბოლო წლები, ამ სახელმწიფოს შექმნის პროცეს

პირდაპირი TV

daily calendar

ვიდეო გალერეა

ზაზა ოქუაშვილის პირდაპირი ჩართვა გადაცემაში `რეაქცია`