უახლესი ამბები
- 18.04.2024 19:05ღრმად იმედგაცრუებულები ვართ საქართველოს პარლამენტის გადაწყვეტილებით კრემლის მიერ შთაგონებული კანონპროექტის დაინიცირების გამო - მეთიუ მილერი
- 18.04.2024 18:29“ვაცხადებთ სრულ კოორდინაციასა და მობილიზაციას კანონის მეორე მოსმენით განხილვის დღისთვის” - ექვსი ოპოზიციური პარტია ერთობლივ განცხადებას ავრცელებს
- 18.04.2024 14:47პაატა კვიჟინაძე ოპოზიციას - ერთ პიროვნებაზე იძახდით, გარბის საქართველოდან, გაფრინდაო, ახლა ამბობთ, შემოდის და აქ აბანდებსო, გაერკვიეთ, რა გინდათ
- 18.04.2024 13:57ივანიშვილი იღებს ზომებს, სანქციების შემთხვევაში ფული საქართველოში გადაიტანოს - ევროპარლამენტარი
არქივი
პოლიტიკა
მოქმედ კონსტიტუციას ვერ მივიღებთ, თუკი სულისკვეთება არ შეიცვლება - პრეზიდენტი
საქართველოს პრეზიდენტი, გიორგი მარგველაშვილი ოპოზიციასა და მმართველ გუნდს შორის საკონსტიტუციო პროექტზე გამართულ მოლაპარაკებებს გამოეხმაურა. მისი თქმით, აუცილებელია, შეიცვალოს მმართველი გუნდის მიდგომა, რათა მხარეებმა საბოლოო დოკუმენტზე შეთანხმდნენ.
მარგველაშვილმა აღნიშნა, რომ მოლაპარაკებების იდეას მიესალმება.
„როცა საკონსტიტუციო კომისია შეიქმნა, ამ კომისიის სულისკვეთებიდან გამომდინარე, მთელ საზოგადოებას მოვახსენე, ამ კომისიის მუშაობას რა შედეგები ექნებოდა. მიუხედავად იმისა, რომ კომისიაში ჩართვის ენთუზიაზმი ძალიან მაღალი იყო, სამწუხაროდ, ბოლომდე გამართლდა ის, რაც საზოგადოებას ვუთხარი. ასეთი სულისკვეთებით შექმნილი კომისია მუშაობას ისე დაასრულებდა, როგორც დაასრულა - ნულოვანი კონსენსუსითა და ჩაკეტილი პროცესით.
მიუხედავად იმისა, რომ პროექტის სახით მაგიდაზე ნულოვანი კონსენსუსი გვედო, რომელსაც ხელს ერთი პარტია აწერდა და ისიც შიგნით შეუთანხმებლად, პარლამენტმა ძალიან სწრაფად, ფაქტობრივად, რეკორდული სისწრაფით პროექტი ორი მოსმენით მიიღო, რითაც პოლიტიკური პროცესი სრულ ჩიხში შეიყვანა.
ვინაიდან, დღეს იმის გააზრება გაჩნდა, რომ კონსტიტუცია მისაღებია არა ხელის გადაგრეხვითა და პულტების მეშვეობით, არამედ ეს კონსენსუსზე უნდა იყოს დამყარებული, ამ კონსულტაციებს მივესალმები, თუმცა თუ სულისკვეთება არ შეიცვლება და სულიკვეთება იქნება, რომ ჩვენ პულტები გვაქვს და ჩვენ ყველაზე ჭკვიანები ვართ, მოქმედ კონსტიტუციას ვერ მივიღებთ“, - განაცხადა პრეზიდენტმა დღევანდელ ბრიფინგზე.
ოპოზიცია და მმართველი გუნდი კონსტიტუციასთან დაკავშირებით ერთმანეთს წინა კვირას შეხვდნენ. ოპოზიცია უმრავლესობას მოუწოდებს, პროპორციული სისტემა 2020 წელს ამოქმედდეს, ხოლო საპრეზიდენტო არჩევნები პირდაპირი წესით ჩატარდეს. „ქართულმა ოცნებამ“ ოპოზიციას საკუთარი მოთხოვნების წერილობითი ფორმით წარდგენა მოსთხოვა.
ანა მებურიშვილი