უახლესი ამბები
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
კონფლიქტის ზონა
მორიგი დეზინფორმაცია და პროვოკაციული განცხადება - სახელმწიფო უსაფრთხოების სამსახური დე ფაქტო ცხინვალის განცხადებაზე
სახელმწიფო უსაფრთხოების სამსახურში დეზინფორმაციასა და პროვოკაციას უწოდებენ დე ფაქტო ცხინვალის განცხადებას, თითქოს სოფელ ყობიდან ქართველმა პოლიციელებმა ცეცხლი გახსნეს.
„ეს არის მორიგი დეზინფორმაცია და პროვოკაციული განცხადება, რომელიც სიმართლეს არ შეესაბამება“,- აცხადებენ სუს-ში.
შეგახსენებთ, ცხინვალის დე ფაქტო რეჟიმი ამტკიცებს, რომ ხაშურის მუნიციპალიტეტის სოფელ ყობიდან, სადაც საქართველოს პოლიციის დამატებითი ძალებია განთავსებული, ე.წ. სამხრეთ ოსეთის მიმართულებით ავტომატური იარაღიდან 10-15 გასროლა განხორციელდა. ოკუპირებული რეგიონის ე.წ. კა-გე-ბე-ში აცხადებენ, რომ ინციდენტს მსხვერპლი და „სასაზღვრო ინფრასტრუქტურის” დაზიანება არ მოჰყოლია.
ამასთან, ცხინვალის რეჟიმი საქართველოს ხელისუფლებას ვითარების ესკალაციაში ადანაშაულებს:
„საქართველოს სპეცსამსახურების მიერ ინსპირირებული „წნელისის კრიზისის“ მშვიდობიანი და დიპლომატიური დარეგულირებისადმი მხარდაჭერის შესახებ თბილისის არაერთი დაპირების მიუხედავად, ქართული მხარე განაგრძობს რეგიონში ვითარების დესტაბილიზაციისკენ მიმართული წვრილმანი პროვოკაციების უპასუხისმგებლო პოლიტიკას”, – ნათქვამია ე.წ. სამხრეთ ოსეთის სახელმწიფო უსაფრთხოების კომიტეტის განცხადებაში.