უკან
კომენტარი
22 ივნისი, 2021 17:12
მოსამართლეების დანიშვნა უნდა შეჩერდეს, ეს არის შეთანხმების ის ნაწილი, რომელზეც თავად „ქართულ ოცნებას“ აქვს ხელი მოწერილი - ხატია დეკანოიძე
მოსამართლეების დანიშვნის პროცესი უნდა შეჩერდეს, - ასე გამოეხმაურა ფრაქციის „ნაციონალური მოძრაობა - ძალა ერთობაშია“ თავმჯდომარე ხატია დეკანოიძე საქართველოში აშშ-ის ელჩის, კელი დეგნანის განცხადებას.
„რა თქმა უნდა, უნდა შეჩერდეს, ეს არის შეთანხმების ის ნაწილი, რომელზეც თვითონ „ქართულ ოცნებას “აქვს ხელი მოწერილი. შესაბამისად, იცით, რომ ჩვენ დავაინიცირეთ კლანის შემსწავლელი საპარლამენტო კომისია, რომელზეც დიდი იმედი მაქვს, რომ შემოგვიერღდება არა მხოლოდ ოპოზიცია, არამედ უმრავლესობაც“, – აღნიშნა ხატია დეკანოიძემ.
აშშ-ის ელჩის, კელი დეგნანის განცხადებით, პარლამენტს ახლა აქვს ვალდებულება და პასუხისმგებლობა როგორც კონსტიტუციით, ისე 19 აპრილის შეთანხმებით, რომ მოსამართლეების დანიშვნის პროცესი შეაჩეროს.