საზოგადოება

მოსამართლეებზე ზეწოლის შესაძლო ფაქტი უნდა გადამოწმდეს - უჩა ნანუაშვილი

საქართველოს სახალხო დამცველმა უჩა ნანუაშვილმა 2016 წლის საქმიანობის ანგარიშის წარდგენის დროს განაცხადა, რომ უზენაესი სასამართლოს მოსამართლეებზე შესაძლო ზეწოლის ფაქტი უნდა გადამოწმდეს.

„ბოლო დღეებში, არაერთი ინფორმაცია გავრცელდა, მათ შორის მედიით, რომელიც შეეხება მოსამართლეებთან დაკავშირებულ გარკვეულ ინფორმაციას. ვფიქრობ, საკმარისი შესაძლებლობაა იმის, რომ მოხდეს გადამოწმება. როდესაც საუბარია ერთ- ერთ მოსამართლეზე, რომელიც "რუსთავი 2"-ის საქმეს იხილავს, რამდენად მოხდა კომპენსაციის წესების დაცვა, რომელიც არის საჯარო და შესაბამისად, დაზარალებულთა სიაც ცნობილია, გადამოწმების ყოველგვარი საფუძველი არსებობს. უახლოეს დღეებში ჩვენ უნდა ველოდოთ ამომწურავ ინფორმაციას ხელისუფლების წარმომადგენლების მხრიდან რომ ამ საქმეზე გამოირიცხოს კითხვის ნიშნები", - განაცხადა სახალხო დამცველმა.

შეგახსენებთ, რომ 3 თებრვალს გამართულ ბრიფინგზე „ნაციონალური მოძრაობის“ წევრმა ნიკა მელიამ განაცხადა, რომ უზენაესი სასამართლოს მოსამართლეებზე, პაატა ქათამაძესა და ბესარიონ ალავიძეზე, სუს-ი ზეწოლას ახდენდა „რუსთავი-2“-ის საქმესთან დაკავშირებით.

მელიამ ასევე თქვა, რომ მოსამართლეები მათ საქმიანობაში უხეში ჩარევის შესაძლო ფაქტის გამო 2017 წლის 14 იანვარს პროკურატურას მიმართეს.

შემდგომ სუს-ი გამოეხმაურა „ნაციონალური მოძრაობის“ წევრის განცხადებას. უწყების თქმით, ისინი არ ეთანხმებიან მელიას ბრალდებებს და ამ საკითხზე გამოზიება მიმდინარეობს.

ანა მებურიშვილი