სამართალი

მოსამართლეთა გამოსაცდელი ვადა 2025 წლამდე იმოქმედებს, შემდეგ კი, სრულად უვადოდ გამწესების წესი ამოქმედდება - ირაკლი კობახიძე

მოსამართლეთა გამოსაცდელი - ე.წ. პრობაციის ვადა 2025 წლამდე იმოქმედებს. 2025 წლის შემდეგ, სრულად უვადოდ გამწესების წესი ამოქმედდება.

შესაბამისი ინფორმაცია ჟურნალისტებს დღეს გამართულ პრესკონფერენციაზე პარლამენტის თავმჯდომარე ირაკლი კობახიძემ მიაწოდა.

კობახიძის თქმით, მოსამართლეთა გამოსაცდელი ვადით დანიშვნასთან დაკავშირებით მათ ვენეციის კომისიის რეკომენდაცია გაითვალისწინეს და საკითხი აღნიშნული ფორმით კონსტიტუციის გარდამავალ დებულებებში აისახება.

რაც შეეხება ვენეციის კომისიის კიდევ ერთ რეკომენდაციას, რომელიც უზენაესი სასამართლოს მოსამართლეების არჩევის პროცესში პარლამენტის გამორიცხვას ეხება, კობახიძემ განაცხადა, რომ არცერთი სუბიექტი ამას არ მიესალმება.

“ჩვენ ვფიქრობთ, რომ პარლამენტის როლი გამოკვეთილ უნდა იყოს უზენაესი სასამართლოს მოსამართლეების გამწესების პროცესში“, - აღნიშნა ირაკლი კობახიძემ.

ნინო ექვთიმიშვილი