კომენტარი

მოსამართლის დღევანდელი გადაწყვეტილება ნიშნავს ერთადერთს, რომ თათარიშვილი უდანაშაულოა - ანი მარგველაშვილი

მოსამართლის დღევანდელი გადაწყვეტილება ნიშნავს იმას, რომ მიხეილ თათარიშვილი უდანაშაულოა, - განუცხადა ჟურნალისტებს პრეზიდენტის შვილმა ანა მარგველაშვილმა.

მისი თქმით, ელოდება გამამრთლებელ განაჩენს მისი კიდევ ერთი მეგობრის, თორნიკე კაჭარავას შემთხვევაშიც, რომელიც ასევე ნარკოდანაშაულში არის ბრალდებული.

”მოსამართლის დღევანდელი გადაწყვეტილება ნიშნავს ერთადერთს, რომ თათარიშვილი უდანაშაულოა. ჩვენ ველოდით კიდეც მიხეილ თათარიშვილის გამართლებას. ამჟამად, კიდევ ერთი მეგობარი, თორნიკე კაჭარავა არის ნარკოდანაშაულში ბრალდებული და იმედს ვიტოვებთ, რომ მის მიმართაც დადგება გამამართლებელი განაჩენი”, - განაცხადა ანა მარგველაშვილმა.

დღევანდელი განაჩენით, ნარკოდანაშაულში ბრალდებული, პრეზიდენტის შვილის მეგობარი მიხეილ თათარიშვილი გამართლდა.

ნინო ექვთიმიშვილი