უკან

უახლესი ამბები

დღის კალენდარი

ანონსები

არქივი

საზოგადოება

21 აგვისტო, 2017 13:50
font-size

მოშიმშილე რკინიგზელების აქციის მეშვიდე დღე - მოთხოვნები უცვლელია

„საქართველოს რკინიგზის“ შენობასთან მეშვიდე დღეა, გაფიცული რკინიგზელები შიმშილობენ. აქციის 8 მონაწილეს კიდევ 3 ადამიანი შეემატა. გაფიცულთა მოთხოვნები უცვლელია - ახალ სამუშაო ადგილას გადაყვანისას რკინიგზამ დაფაროს საცხოვრებელი და სატრანსპორტო ხარჯები და გაათავისუფლოს ინფრასტრუქტურის დირექტორი, ვასილ ხორავა და საზოგადოებასთან ურთიერთობის ხელმძღვანელი, დაჩი ცაგურია.

აქციის მონაწილის, გია ჯანჯალიას განცხადებით, ადმინისტრაციამ უნდა დააბრუნოს გაფიცული რკინიგზელები გურჯაანის სარკინიგზო დეპარტამენტში.

„პირველი მოთხოვნაა, ბიჭები დააბრუნონ ისევ გურჯაანში სამუშაოდ. მეორე მოთხოვნაა, შეასრულოს დეპარტამენტმა ჩვენთან დადებული ხელშეკრულებები გაფიცვების შემდეგ და მესამე, გაათავისუფლონ დაჩი ცაგურია და ვასილ ხორავა“, - განაცხადა ჯანჯალიამ.

მოშიმშილეების თქმით, ისინი რკინიგზის ადმინისტრაციასთან დაკავშირებას ვერ ახერხებენ.

მოშიმშილეების მიერ გავრცელებულ ინფორმაციას ტყუილს უწოდებს რკინიგზის საზოგადოებასთან ურთიერთობის სამსახურის უფროსი დაჩი ცაგურია. როგორც მან საზოგადოებრივ მაუწყებელს განუცხადა, ადმინისტრაცია თავის თანამშრომლებს საცხოვრებელ პირობებს სთავაზობს. რაც შეეხება აქციის თავდაპირველ მონაწილეს, ვახტანგ ცისკარიშვილს, დაჩი ცაგურიას ინფორმაციით, მან ნახა პირობები და სამუშაო ხელშეკრულებას ხელი მოაწერა.

„საუბარი იმის შესახებ, რომ ჩვენ არ ვთავაზობთ მათ საცხოვრებელ ადგილს, არის სიცრუე. ორიდან ერთი მოშიმშილე, რომელიც თავიდან დასხდნენ, ნახა ეს ყველაფერი და ხელი მოაწერა დანიშვნის ბრძანებას და მას აქვს ყველა პირობა ისევე, როგორც სხვა მის კოლეგებს“, - განაცხადა ცაგურიამ.

გარდა ამისა, დღეს იგეგმება რკინიგზელთა მორიგი სოლიდარობის აქცია. ერთ-ერთი მოშიმშილის, თენგიზ დვალიშვილის ინფორმაციით, მასში მონაწილეობას მიიღებენ არასამთავრობო ორგანიზაციები, დარგობრივი პროფკავშირების წევრები და სტუდენტური მოძრაობები.

„რეგიონებიდან შემოგვიერთდებიან რკინიგზელები და ასევე არასამთავრობო ორგანიზაციები, გაერთიანებული დარგობრივი პროფკავშირები და სტუდენტური მოძრაობები, რომლებიც ამ მოშიმშილეებისა და რკინიგზელების მიმართ სოლიდარობას გამოხატავენ მშივდობიანი აქციით“, - განაცხადა დვალიშვილმა.

რკინიგზელებმა შიმშილობა 15 აგვისტოს დაიწყეს. ისინი გურჯაანიდან სადახლოს განყოფილებაში გადაყვანას აპროტესტებენ. როგორც აქციის მონაწილეებმა თქვეს, რკინიგზის ადმინისტრაციის წარმომადგენლებმა ისინი 25 ივლისს კახეთიდან თბილისში დაიბარეს და ხელი მოაწერინეს დოკუმენტზე, რომლის თანახმადაც მიღებულია გადაწყვეტილება კახეთის რეგიონალური სამსახურისთვის სახელის შეცვლის შესახებ, რომ ის უნდა გაფართოვდეს და ეწოდოს „სამხრეთ-აღმოსავლეთ რეგიონი“.

რკინიგზელები ძველ სამუშაო ადგილზე დაბრუნებას ითხოვენ, ან მარნეულის სალიანდაგო ცენტრში ნორმალური საცხოვრებელი და სამუშაო პირობების შექმნას.

რკინიგზელთა პროტესტს მენეჯმენტი გამოეხმაურა და საპროტესტო აქცია „გარე ძალების ჩართულობად“ შეაფასა. საქართველოს რკინიგზის საზოგადოებასთან ურთიერთობის ხელმძღვანელმა დაჩი ცაგურიამ გაფიცულებს სამსახურში დაბრუნებისკენ მოუწოდა.

17 აგვისტოს კი, საღამოს 6 საათზე რკინიგზელთა სოლიდარობის აქცია გაიმართა.

იმავე დღეს ცნობილი გახდა, რომ აქციის ერთ-ერთმა მონაწილემ ვახტანგ ცისკარიშვილმა, შიმშილობა შეწყვიტა და სამსახურს დაუბრუნდა.

ანა მებურიშვილი

1 აშშ დოლარის ოფიციალური ღირებულება 3.2537 ლარი გახდა

22 სექტემბერი, 2020 , 18:24

ეროვნული ბანკის მიერ გამოქვეყნებული მონაცემების თანახმად,  დღევანდელი ვაჭრობის შედეგად აშშ დოლარის ღირებულებამ 3.2537 ლარი შეადგინა. კურსი, რომელიც დღეს მოქმედებდა, 3.2295 ლარი იყო. შესაბამისად, დოლარის ცვლილებამ ერ

კორონავირუსით 23-ე პაციენტი გარდაიცვალა

22 სექტემბერი, 2020 , 16:35

კორონავირუსით 23-ე პაციენტი გარდაიცვალა. ამის შესახებ დაავადებათა კონტროლის და საზოგადოებრივი ჯანმრთელობის ეროვნული ცენტრის ხელმძღვანელმა ამირან გამყრელიძემ მთავრობის ადმინისტრაციაში გამართულ ბრიფინგზე განაცხადა. როგორც

თბილისში კარვების მოწყობას არ ვაპირებთ, თუმცა დღეს და ხვალ იუსტიციის სახლის უკან შესაბამის სივრცეში მოქალაქეებს ნიმუშების აღება შეეძლებათ - ამირან გამყრელიძე

22 სექტემბერი, 2020 , 16:35

დაავადებათა კონტროლის ეროვნული ცენტრის ხელმძღვანელის, ამირან გამყრელიძის განცხადებით, ბათუმის მსგავსად თბილისში არ იგეგმება კარვების მოწყობა, სადაც მოქალაქეები კორონავირუსზე ტესტის აღებას შეძლებენ. თუმცა, გამყრელიძის გან

ინფიცირების რაოდენობის ზრდა დამოკიდებულია მნიშვნელოვანწილად იმაზე, რამდენად დაიცავს თითოეული ჩვენგანი წესებს - ნათია მეზვრიშვილი

22 სექტემბერი, 2020 , 16:35

საზოგადოებას მსურს მოვუწოდო, ყველა წესი, რომელიც მოქმედებს, ყველა ის რეგულაცია, რომელიც ჯანდაცვის სამინისტრომ მიიღო და რომლის დაცვისკენაც ყოველდღიური მოწოდებები ჩვენი მხრიდან ისმის, მაქსიმალურად დაიცვათ, - ამის შესახებ მ

სპეციალურ პენიტენციურ სამსახურში აცხადებენ, რომ გლდანის ციხეში სამმა პატიმარმა თვითდაზიანება მიიყენა

22 სექტემბერი, 2020 , 16:35

სპეციალური პენიტენციური სამსახური N8 (გლდანის) დაწესებულებაში პატიმრების მიერ თვითდაზიანებების მიყენებასთან დაკავშირებით განცხადებას ავრცელებს. სპეციალურ პენიტენციურ სამსახურში აცხადებენ, რომ გლდანის ციხეში ე.წ. გარჩევა

ხვალ ეროვნული ბანკი 40 მილიონ აშშ დოლარს გაყიდის

22 სექტემბერი, 2020 , 15:40

საქართველოს ეროვნული ბანკი ხვალ, სავალუტო აუქციონზე 40 მილიონ აშშ დოლარს გაყიდის, - ამის შესახებ ნათქვამია სებ-ის მიერ გავრცელებულ ინფორმაციაში. ცნობისთვის, წინა სავალუტო აუქციონი სებ-მა 16 სექტემბერს გამართა და 40 000 0

პირდაპირი TV

daily calendar

ვიდეო გალერეა

მიძინება ყოვლადწმინდისა ღმრთისმშობელისა მარიამისა. მარიამობა.