მოსკოვის ცენტრში მიმდინარეობს ცნობილი რუსი მწერლების, მუსიკოსების და ჟურნალისტების საპროტესტო აქცია, სახელწოდებით: ,,საკონტროლო სეირნობა”.

,,ბი-ბი-სის” ცნობით, აქციის ორგანიზატორების მიზანია შეამოწმონ, იცავს თუ არა ხელისუფლება ადამიანის უფლებას თავისუფლად შეკრების შესახებ.

აქციაში დაახლოებით 10 ათასი ადამიანი მონაწილეობს. თუმცა ოფიციალური მონაცემებით აქციას 1000 ადამიანი ესწრება.

აქციაზე მონაწილები თეთრი ლენტებით არიან მისულები.

,,საკონტროლო სეირნობაში” მწერალი და ჟურნალისტი დიმიტრი ბიკოვი, მწერლები ბორის აკუნინი და ლუდმილა ულიცკაია, ჟურნალისტი ვიქტორ შენდეროვიჩი, მუსიკოსები ანდრეი მაკარევიჩი და ალექსეი კორტნეევიც მონაწილეობენ.

სამართადამცავები ჯერჯერობით აქციის მიმდინარეობაში არ ერევიან.