პოლიტიკა

მოვითხოვთ ბიძინა ივანიშვილმა გახსნას თავისი მილიარდებით გატენილი ჩემოდნები - შალვა ნათელაშვილი

ლეიბორისტული პარტიის ლიდერის,, შალვა ნათელაშვილის ინფორმაციით გორში, კასპში და ქარელში გლეხებს ყინვისას ნათესები სრულიად გაუფუჭდათ.

მისი თქმით, რეგიონში ზარალი სავარაუდოდ 40 მილიონ ლარს აღწევს.

როგორც ნათელაშვილმა დღეს გამართულ ბრიფონგზე განაცხადა, პრემიერ-მინისტრმა მთავრობის საგანგებო სხდომა დაუყონებლივ უნდა მოიწვიოს, რომელიც შიდა ქართლის სტიქიას შეისწავლის.

,,ყველას კარგად ახსოვს ივანიშვილი როგორ დაპირდა გლეხობას, რომ მოწეულ მოსავალს თავად მიუტანდა ბაზრამდე. ამ შემთხვევაში მას შეუძლია დაისვენოს! შიდა ქართლში არნახულმა ყინვებმა მთლიანად გაუნადგურა გლეხობას ხილის მოსავალი და თუ არ მოხდა სამთავრობო რესურსების და რეზერვების სრული მობილიზება, აღნიშნული რეგიონი გორი, ქარელი, კასპი, ხაშური, კონფლიქტისპირა ზოლი დარჩება მთლიანად მშიერი და ცარიელ-ტარიელი, არამარტო წელს, არამედ მომავალ სეზონზეც.

შესაბამისად, მოვითხოვთ მთავრობის სხდომის საგანგებო შეკრებას, იმავდროულად, მოვითხოვთ ბიძინა ივანიშვილმა გახსნას თავისი მილიარდებით გატენილი ჩემოდნები და გაიღოს ასეთი საშინელი კატასტროფით დაზარალებული გლეხებისთვის ის, რაც მას ეკუთვნის!”- განაცხადა შალვა ნათელაშვილმა.

ნინო ექვთიმიშვილი