უახლესი ამბები
- 24.04.2024 18:09Startup Grind - ის მორიგი ღონისძიება ბათუმში გაიმართება - მხარდამჭერი საქართველოს ბანკია
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
- 24.04.2024 14:16იდენტიფიცირებული იქნებიან ის პირები, რომლებიც, ხალხის რაოდენობის სიმცირის მიუხედავად, აქციის მონაწილეებს გზების პარალიზებისკენ მოუწოდებენ - შსს
- 24.04.2024 13:01საქართველოს ბანკის მხარდაჭერით გლდანი მოლი ფართოვდება
- 24.04.2024 12:38მესტიის მერი მეორე წელია დეკლარაციაში არ უთითებს ხელფასსა და 7 უძრავ ქონებას - `საერთაშორისო გამჭვირვალობა-საქართველოს`
- 24.04.2024 11:57ახალგაზრდების სოციალური მეწარმეობის პროექტების ხელშეწყობის პროგრამაზე რეგისტრაცია განახლებული პირობებით დღეს დაიწყება
- 24.04.2024 11:30შურისძიების მოტივით ჩადენილი მკვლელობის ფაქტზე ბრალდებულს 12 წლით თავისუფლების აღკვეთა მიესაჯა
- 24.04.2024 11:19პარტია „საქართველოსთვის“ წევრი ნოდარ შეროზია რუსთავის საკრებულოს თავმჯდომარეობიდან გადააყენეს
არქივი
საზოგადოება
მოვუწოდებ მცხეთის მერიას, შეცვალოს ის გადაწყვეტილება, რომელიც მან მიიღო გარე მოვაჭრეებთან დაკავშირებით - გია ჟორჟოლიანი
„პანდემიის პირობებში, როდესაც ადამიანების უმრავლესობა შემოსავლების გარეშე დარჩა, თითოეული სამუშაო ადგილის შენარჩუნებისთვის აუცილებელია ხელისუფლების, მისი ყველა ორგანოს აქტიური მხარდაჭერა ამ სამუშაო ადგილების შენარჩუნებისთვის. ამის ნაცვლად ვხედავთ, რომ მცხეთის მერია ხელს უშლის მცხეთაში, სვეტიცხოვლის ტაძრის მიმდებარე ტერიტორიაზე, ბოლო 30 წლის განმავლობაში არსებულ გარე ვაჭრობას, სადაც 100-მდე ადამიანია დასაქმებული“, - ამის შესახებ ფრაქცია „პატრიოტთა ალიანსი და სოციალ-დემოკრატების“ წევრმა გია ჟორჟოლიანმა პარლამენტში განაცხადა.
პანდემიიდან გამომდინარე, ვაჭრობა შეჩერებული იყო და უნდა განახლდეს მიმდინარე წლის 1 ივლისს.
გია ჟორჟოლიანის განმარტებით, ამ ადამიანებმა მცხეთის მუნიციპალიტეტის მერიის გადაწყვეტილება მიიღეს, რომ 1 ივლისიდან მათ ექნებათ მხოლოდ ერთი თვის განმავლობაში მუშაობის შესაძლებლობა, ხოლო შემდეგ მათ უნდა შეწყვიტონ თავიანთი საქმიანობა, იმ მიზეზით, რომ თუ ეს საქმიანობა გაგრძელდება, მაშინ მცხეთა ამოღებული იქნება იუნესკოს კულტურულ ძეგლთა სიიდან.
„ეს არასერიოზული გადაწყვეტილებაა. ყველა პირობა უნდა იქნას დაცული როგორც კულტურის ძეგლებთან, ასევე პანდემიასთან დაკავშირებით“, - განაცხადა გია ჟორჟოლიანმა.
მისი თქმით, ალტერნატიული ადგილის მოთხოვნის შემდეგ მოვაჭრეებმა მერიიდან მიიღეს პასუხი, რომ მათ ადგილს გამოუყოფდნენ თეატრის შენობასთან, რომელიც ქალაქიდან მოშორებულია, სადაც ტურისტი და მომხმარებელი არ მივა, რაც იმას ნიშნავს, რომ ამ ადამიანებისთვის საქმიანობას აზრი ეკარგება.
„მოვაჭრეები გაურკვევლობაში არიან, როგორ მოახერხონ მათ ოჯახების რჩენა იმ მინიმალური შემოსავლებით, რომელიც მათ ჰქონდათ, როგორ გადაიხადონ საბანკო ფინანსური ვალდებულებები, რომელიც მათ გააჩნიათ. ამიტომ მოვუწოდებ მცხეთის მერიას, უფრო სერიოზულად და პასუხისმგებლობით მოეკიდოს თავისი კომპეტენციის ფარგლებში არსებულ საკითხებს და შეცვალოს ის გადაწყვეტილება, რომელიც მან მიიღო გარე მოვაჭრეებთან დაკავშირებით“, - განაცხადა გია ჟორჟოლიანმა.