უკან

დღის კალენდარი

ანონსები

არქივი

საზოგადოება

25 იანვარი, 2018 11:55
font-size

მსახიობ გიორგი გიორგანაშვილის მხარდასაჭერად დღეს 18 საათზე თბილისის პარლამენტთან აქცია „ყველა ერთისთვის“ გაიმართება

დღეს, 18 საათზე თბილისის პარლამენტთან მსახიობ გიორგი გიორგანაშვილის („ბახალას“) მხარდასაჭერი აქცია „ყველა ერთისთვის!“ გაიმართება.

როგორც ორგანიზატორებმა აქციის ფეისბუკგვერდზე დაწერეს, ამ აქციით ისინი აპროტესტებენ გიორგანაშვილის მიმართ გამოთანილ გამამტყუნებელ განაჩენს. მათი შეფასებით, „თბილისის საქალაქო სასამართლომ არაჰუმანური ნარკოპოლიტიკის ლეგიტიმაცია კიდევ ერთხელ მოახდინა“.

„2018 წლის 23 იანვარს თბილისის საქალაქო სასამართლომ არაჰუმანური ნარკოპოლიტიკის ლეგიტიმაცია კიდევ ერთხელ მოახდინა, მსახიობ გიორგი გიორგანაშვილს 8 წლით თავისუფლების აღკვეთა მიუსაჯა და იგი სასამართლოს სხდომის დარბაზშივე დააკავეს.

საქალაქო სასამართლოსთან, ასევე დააკავეს რეჟისორი თორნიკე ბზიავა და თეთრი ხმაურის მოძრაობის აქტივისტი ბექა წიქარიშვილი, რომლებმაც უსამართლო გადაწყვეტილება გააპროტესტეს.

პროკურატურა გიორგი გიორგანაშვილს პირადი მოხმარების მიზნით 0.37 გრამი იმ ნარკოტიკული ნივთიერების ფლობას ედავებოდა, რომელიც მას არ ეკუთვნოდა. თუმცა სასამართლოსთვის ადამიანის 8 წლით ციხეში გასაგზავნად საკმარისი აღმოჩნდა მხოლოდ იმ 2 პოლიციელის ჩვენება, რომლებიც უშუალოდ იღებდნენ მონაწილეობას გიორგი გიორგანაშვილის დაკავებაში.

საქმის მსვლელობაზე ზემოქმედება არ მოუხდენია არც იმ ფაქტს, რომ გადაწყვეტილების გამოტანამდე, პროკურატურამ "ბახალას" საქმეში შინაგან საქმეთა სამინისტროს თანამშრომლების მხრიდან უფლებამოსილების გადამეტების ფაქტზე გამოძიება დაიწყო.

ჩვენ ვაცხადებთ, რომ არ შევეგუებით ადამიანების წლობით გაწირვას, ოჯახების გაუბედურებასა და ჩაგვრას. სახელმწიფოს მხრიდან ნებისმიერი ძალადობის მიმართ უკომპრომისოები ვიქნებით!“, - წერია აქციის ფეისბუკგვერდზე.

აქციის ორგანიზატორები ასევე აყენებენ 5 მთავარ მოთხოვნას, ესენია:

1. გიორგი გორგანაშვილის დაუყოვნებლივი გათავისუფლება საპატიმრო დაწესებულებიდან;

2. „თეთრი ხმაურის“ მოძრაობის აქტივისტის ბექა წიქარიშვილის გათავისუფლება;
3. საქმეში მონაწილე პოლიციელების კანონის სრული სიმკაცრით დასჯა;
4. უმოკლეს ვადებში რეპრესიული და არაჰუმანური ნარკოპოლიტიკის შეცვლა;
5. პრეზიდენტმა გამოიყენოს თავისი უფლებამოსილება და შეიწყალოს გიორგი გიორგანაშვილი.

„თეთრი ხმაურის“ მოძრაობის გარდა აქციაშე ასევე მიირებენ მონაწილეობას ტალღა, Emc • ადამიანის უფლებების სწავლებისა და მონიტორინგის ცენტრი, 2 ივნისის მოძრაობა, გირჩი, ქალთა მოძრაობა, თანასწორობის მოძრაობა, საფარი, სამართლიანი არჩევნები (ISFED), ქალთა მზერა, ფლანგვის დეტექტორი, პარტიზანული მებაღეობა თბილისში, ტოლერანტობის და მრავალფეროვნების ინსტიტუტი - TDI, მედიის განვითარების ფონდი, აუდიტორია #115, ალტერნატივა ჯორჯია, Bemoni, სამედიცინო ცენტრი ურანტი, საინფორმაციო სამედიცინო-ფსიქოლოგიური ცენტრი თანადგომა, ნარკოტიკების მომხმარებელი ქალების სათემო ორგანიზაცია - აკესო, GHRN - ზიანის შემცირების საქართველოს ქსელი.

ფრანგულმა გამოცემამ „ლე ფიგარო“ საქართველოს შესახებ სტატია გამოაქვეყნა

12 ივნისი, 2021 , 12:44

ტურიზმის ეროვნული ადმინისტრაციის ინფორმაციით, საფრანგეთის ერთ-ერთმა ყველაზე გავლენიანმა ჟურნალმა „ლე ფიგარომ“ საქართველოს ტურისტული მიმართულების შესახებ სტატია გამოაქვეყნა. ჟურნალში თბილისი, ქართული სამზ

თეა წულუკიანი გელათის სამონასტრო კომპლექსში იუნესკო-ს უცხოელი ექსპერტების ვიზიტის მოსამზადებელ სამუშაოებს გაეცნო

12 ივნისი, 2021 , 11:45

საქართველოს კულტურის, სპორტისა და ახალგაზრდობის მინისტრი თეა წულუკიანი გელათის სამონასტრო კომპლექსს ესტუმრა და იუნესკოს ექსპერტების საქართველოში ვიზიტისთვის მოსამზადებელ სამუშაოებს ადგილზე გაეცნო. სამინისტროს ინიციატივით

კორონავირუსის ახალი შემთხვევებიდან თბილისში გამოვლენილია 452, იმერეთში 82, აჭარაში 56

12 ივნისი, 2021 , 11:22

საქართველოში ბოლო 24 საათში გამოვლენილი ინფიცირების 794 ახალი შემთხვევიდან: თბილისში გამოვლენილია 452 შემთხვევა, აჭარა – 56, იმერეთი – 82, ქვემო ქართლი – 43, შიდა ქართლი – 47, გურია – ორი, ს

საქართველოში კორონავირუსის 794 ახალი შემთხვევა გამოვლინდა

12 ივნისი, 2021 , 11:17

საქართველოში კორონავირუსის 794 ახალი შემთხვევა გამოვლინდა. ამის შესახებ ინფორმაცია მთავრობის სპეციალურ ვებგვერდ stopcov.ge-ზე ცოტა ხნის წინ განახლდა. ქვეყანაში ბოლო 24 საათში 498 ადამიანი გამოჯანმრთელდა. ბოლო დღე-ღამეში

კადეტთა სამხედრო ლიცეუმში ღია კარის დღე გაიმართა

12 ივნისი, 2021 , 11:08

გენერალ გიორგი კვინიტაძის სახელობის კადეტთა სამხედრო ლიცეუმი მომავალი სასწავლო წლისთვის კადეტთა ახალი ნაკადის მისაღებად აქტიურად ემზადება. როგორც „მედიანიუსს“ თავდაცვის სამინისტროდან აცნობეს, ლიცეუმის პირადმა

ჩვენ ვაქცინისთვის მობილიზებული გვაქვს იმდენი თანხა, რამდენიც ვაქცინების შეძენას დასჭირდება - ფინანსთა მინისტრი

11 ივნისი, 2021 , 20:31

ჩვენ ვაქცინისთვის მობილიზებული გვაქვს იმდენი თანხა, რამდენიც ვაქცინების შეძენას დასჭირდება, - განაცხადა ფინანსთა მინისტრმა ლაშა ხუციშვილმა პარლამენტში გამოსვლისას. როგორც მან აღნიშნა, თანხების მობილიზების კუთხით არანაირი

პირდაპირი TV

daily calendar

ვიდეო გალერეა

წითელი პარასკევი - დიდი პარასკევი