სამართალი

მსახიობ რეზო ნასიძეს ექიმზე ძალადობისთვის ბრალი წაუყენეს

მსახიობ რეზო ნასიძეს, რომელიც ფართო საზოგადოებისთვის სერიალ ,,ჩემი ცოლის დაქალებიდან" გახდა ცნობილი, ექიმის ცემის გამო ბრალი წაუყენეს.

ის განჩინების საფუძველზე გუშინ დააკავეს, თუმცა ნასიძე ამ დრომდე კლინიკაში, ბადრაგის მეთვალყურეობის ქვეშ რჩება და პნევმონიას მკურნალობს.

მედპერსონალის განმარტებით, პაციენტი ძლიერ ტკივილგამაყუჩებელს ითხოვდა, რასაც მისი დიაგნოზი არ ითვალისწინებდა, უარის შემდეგ კი ექიმს ფიზიკურად გაუსწორდა.

დაკავებულის დედა, თამარ ნიშნიანიძე ადასტურებს, რომ მისი შვილი ძლიერ ტკივილგამაყუჩებელს მართლაც ითხოვდა, მისი თქმით, ნასიძეს თავის ძლიერი ტკივილი აწუხებდა.