უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
არქივი
საზოგადოება
მსოფლიო ბანკი მზადაა, საქართველოს ფინანსურად და ტექნიკურად დაეხმაროს
მსოფლიო ბანკი მზადაა, საქართველოს ფინანსური და ტექნიკური დახმარება გაუწიოს. ამის შესახებ ჟურნალისტებს ბორჯომის ხეობაში ჩასულმა სამხრეთ კავკასიაში მსოფლიო ბანკის რეგიონულმა დირექტორმა, მერსი ტემბორმა განუცხადა.
ტემბორის თქმით, მსოფლიო ბანკს ჰყავს ექსპერტთა ჯგუფი, რომელსაც შეუძლია, ქართულ მხარეს დაეხმაროს. მან აღნიშნა, რომ მსოფლიო ბანკი ყველა დეტალს მთავრობასთან განიხილავს.
„ვფიქრობთ, რომ თქვენი მთავრობა პრემიერ-მინისტრის ხელმძღვანელობით სწორად გაუძღვა სიტუაციას და გადაიდგა სწორი ნაბიჯები. მსოფლიო ბანკი მზადაა, აღმოუჩინოს ფინანსური და ტექნიკური დახმარება საქართველოს. უპირველეს ყოვლისა, ჩამოვა ტექნიკური მისია, რომლებიც შეაფასებენ სიტუაციას. ჩვენ გვყავს ექსპერტები, რომლებიც სწორედ ამ საკითხებზე მუშაობდნენ საქართველოში და ამ ექსპერტებისგან შემდგარი ჯგუფი ჩამოვა აქ. ეს იქნება პირველი ნაწილი. თუმცაღა, ჩვენ ასევე მზად ვართ დახმარება აღმოგიჩინოთ ფინანსური და ტექნიკური სახით. ეს განხილული იქნება საქართველოს მთავრობასთან“, - განაცხადა მერსი ტემბორმა.
შეგახსენებთ, ბორჯომის ხეობაში ცეცხლი 20 აგვისტოს გაჩნდა. ამ დროისთვის ხანძარი უმეტეს მონაკვეთში ლოკალიზებულია, თუმცა ცალკეულ ადგილებში ცეცხლი ისევ შეინიშნება. ბორჯომის ხეობაში სამხედრო ქვედანაყოფებია მობილიზებული.
ანა მებურიშვილი