უახლესი ამბები
- 18.04.2024 14:47პაატა კვიჟინაძე ოპოზიციას - ერთ პიროვნებაზე იძახდით, გარბის საქართველოდან, გაფრინდაო, ახლა ამბობთ, შემოდის და აქ აბანდებსო, გაერკვიეთ, რა გინდათ
- 18.04.2024 13:57ივანიშვილი იღებს ზომებს, სანქციების შემთხვევაში ფული საქართველოში გადაიტანოს - ევროპარლამენტარი
- 18.04.2024 13:06კარგი გულიანი ნაცემი ვარ - ალეკო ელისაშვილი
- 18.04.2024 11:40ირაკლი კობახიძე საქართველოში ევროკავშირის სადამკვირვებლო მისიის ხელმძღვანელს შეხვდა
არქივი
საზოგადოება
მთავრობის ადმინისტრაციასთან ბათუმის ბულვარში ელექტრომობილების გამოყენების აკრძალვას აპროტესტებენ
მთავრობის ადმინისტრაციასთან 100-მდე ელექტრომობილის მეპატრონე აქციას მართავს. ისინი ბათუმიდან სპეციალურად ჩამოვიდნენ და პრემიერ-მინისტრთან შეხვედრას ითხოვენ.
აქციის მონაწილეები ბათუმის საკრებულოს 5 მარტის დადგენილებას აპროტესტებენ, რომლის მიხედვითაც მათ ბულვარში ელექტრომობილებით ტურისტების მომსახურება აეკრძალათ. ეს გადაწყვეტილება ადგილობრივი მმართველობის მიერ ბულვარის ადმინისტრაციის მოთხოვნის საფუძველზე იქნა მიღებული.
აქციის მონაწილეები მოითხოვენ, შეზღუდვა ერთი წლით გადავადდეს, მანამდე კი დადგინდეს მოძრაობის წესები. აქციის მონაწილეებს შემუშავებული აქვთ ექვსპუნქტიანი გეგმა, რომელიც მათი თქმით, ელექტროტრანსპორტის უსაფრთხოებას გაზრდის.
აქციის ერთ-ერთი ორგანიზატორის ჯემალ სურმანიძის განცხადებით, ისინი 1300 ერთეულ ტრანსპორტს 300-მდე დაიყვანენ, დაარეგულირებენ მოძრაობის დასაშვებ სიჩქარეს, ამოიღებენ ხმარებიდან ე.წ „ბაიკებს“, არ დასვამენ საჭესთან 18 წლამდე ასაკის ადამიანებს და.ა.შ.
„აღნიშნული გეგმა შევიტანეთ ბათუმის მერიასა და საკრებულოში, თუმცა ჩვენს მოთხოვნებზე უარი მივიღეთ. ვგრძნობთ ჩვენს წილ პასუხისმგებლობას და ყველაფერს გავაკეთებთ არსებული მდგომარეობის გამოსასწორებლად. უბრალოდ, ჩვენი მეწარმეების უკან დგას ჩვენი ოჯახები, გვაქვს ბანკიდან გამოტანილი სესხები, რომლის დასაფარადაც ვითხოვთ ამ წესის ერთი სეზონით გვიან ამოქმედებას“,-ამბობს აქციის ორგანიზატორი.