არქივი
კომენტარი
მთავრობის მხრიდან რაღაც ფარული ჩანაწერების გავრცელება უკვე იქცა სასაცილო ბავშვურ ახირებად - ხატია დეკანოიძე
მთავრობის მხრიდან ფარული ჩანაწერების გავრცელება უკვე იქცა სასაცილო ბავშვურ ახირებად და წარმოუდგენელ სიბინძურედ, - განაცხადა “ნაციონალური მოძრაობის” წევრმა, ხატია დეკანოიძემ უკრაინულ პორტალზე იუსტიციის ყოფილი მინისტრის, ზურაბ ადეიშვილისა და “რუსთავი 2”-ის გენერალური დირექტორის, ნიკა გვარამიას სავარაუდო აუდიოჩანაწერის გავრცელების კომენტირებისას,
მისი თქმით, აღნიშნული ჩანაწერის ავთენტურობის არავის სჯერა.
”არ მომისმენია ეს ფარული ჩანაწერი, მაგრამ ჩვენი მთავრობის მხრიდან რაღაც ფარული ჩანაწერების გავრცელება უკვე იქცა სასაცილო ბავშვურ ახირებად და წარმოუდგენელ სიბინძურედ. საქართველოს მთავრობა რაღაც დამონტაჟებულ ფარულ ჩანაწრებს ავრცელებს და ვის სჯერა, რომ ეს არის ავთენტური? ეს დიდი სისულელეა და ამის არავის არ სჯერა”, - განაცხადა ხატია დეკანოიძემ.
ცნობისათვის: უკრაინულმა გამოცემა ,,უკრაინულმა რევოლუციამ’’ მორიგ ჩანაწერი გამოაქვეყნა.პორტალის მტკიცებით, აუდიოჩანაწერი საქართველოს იუსტიციის ყოფილი მინისტრის, ზურაბ ადეიშვილისა და ტელეკომპანია „რუსთავი 2“-ის გენერალური დირექტორის, ნიკა გვარამიას საუბარს ასახავს.
ნინო ექვთიმიშვილი