საზოგადოება

მცირდება იმ გამოკითხულთა რაოდენობა, ვინც საქართველოს მართლმადიდებელი ეკლესიის საქმიანობას დადებითად აფასებს - NDI

ეროვნულ-დემოკრატიული ინსტიტუტის (NDI) კვლევის თანახმად, გამოკითხული მოსახლეობის 56% დადებითად აფასებს საქართველოს მართლმადიდებელი ეკლესიის საქმიანობას. ეს მაჩვენებელი ბევრად ჩამორჩება 2015 წლის აპრილის მონაცემებს, რადგან მაშინ ეკლესიის საქმიანობას დადებითად აღიქვამდა გამოკითხულთა 75%.

გამოკითხულთა 24% საქართველოს მართლმადიდებელი ეკლესიის საქმიანობას საშუალოდ აფასებს, ხოლო 8% - ცუდად.

კვლევის საველე სამუშაოები ჩატარდა 20 მარტი - 4 აპრილის პერიოდში, საქართველოს მასშტაბით (ოკუპირებული ტერიტორიების გამოკლებით), 2,194 პირისპირ ინტერვიუს წარმომადგელობითი შერჩევის საფუძველზე (გამოპასუხება 46%). კვლევა პირისპირ ინტერვიუს სახით ჩატარდა და მისი ცდომილება 2,2 პროცენტია.

კვლევა დიდი ბრიტანეთის მთავრობის UK aid-ის ფინანსური ხელშეწყობით ჩატარდა, საველე სამუშაოები კი CRRC-საქართველომ შეასრულა