კომენტარი

მცხეთის სასამართლოს გადაწყვეტილება დემოკრატიის ზეიმია - კობა ნარჩემაშვილი

„ქართული ოცნების“ წევრის კობა ნარჩემაშვილის შეფასებით, თამაზ მეჭიაურის სარჩელთან დაკავშირებით, მცხეთის სასამართლოს მიერ მიღებული გადაწყვეტილება - დემოკრატიის ზეიმია.

მედიასთან საუბარში, ნარჩემაშვილი მოუწოდებს მხარეებს მიიღონ სასამართლოს გადაწყვეტილება ფაქტად და პატივისცენ მას.

„ჩემი აზრით, ეს არის დემოკრატიის ზეიმი - შეიძლება ასე შევაფასოთ, როდესაც არსებობს იმის საშუალება, რომ ოპოზიციონერ კანდიდატს ჰქონდეს გაპროტესტების საშუალება, როდესაც სასამართლო იღებს ამ გადაწყვეტილებას და მე ვღებულობ სასამართლო გადაწყვეტილებას როგორც ფაქტს.

მოვუწოდებ მხარეებსაც, მიიღონ ეს გადაწყვეტილება და პრეტენზიის შემთხვევაში იმოქმედონ სამართლებრივი მეთოდებით. თუ რაიმე ეჭვები არსებობს, ამ შემთხვევაში შესაძლებელია ეს საკითხი იყო განხილვის საგანი, იგივე სამართალდამცავი ორგანოებისთვის, თუ ამ პრეტენზიას, რომელიმე მხარე გამოთქვამს,“-განაცხადა კობა ნარჩემაშვილმა.

მცხეთის რაიონულმა სასამართლომ თიანეთის მერობის კანდიდატის თამაზ მეჭიაურის სარჩელი დააკმაყოფილა და თიანეთის საოლქო კომისიის დადგენილება გააბათილა.

მცხეთის რაიონული სასამართლოს გადაწყვეტილებით, თიანეთში მერის არჩევნებში გამარჯვებულად თამაზ მეჭიაური გამოცხადდა.

მონიკა დავლიანიძე