უახლესი ამბები
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
პოლიტიკა
“მუდმივად ექნებათ ეს დისკომფორტი` - ოპოზიციამ პლენარულ სხდომაზე საბჭოთა კავშირის ჰიმნი გააჟღერა
საპარლამენტო ოპოზიციის დეპუტატებმა - ელენე ხოშტარიამ და ირმა ნადირაშვილმა პარლამენტის სხდომათა დარბაზში საბჭოთა კავშირის ჰიმნი ჩართეს.
ოპოზიციამ პლენარულ სხდომათა დარბაზში შესვლა მაშინ სცადა, როდესაც პარლამენტის თავმჯდომარე არჩილ თალაკვაძე, პარლამენტის 2019 წლის საქმიანობას აჯამებდა.
"ჩვენ პოლიტიკურ ოპოზიციაში დღემდე რჩებიან ადამიანები, ვინც თავის დროზე სტრატეგიული ობიექტები რუსულ კომპანიებს მიჰყიდეს, ბრძოლის ველზე ჯარისკაცები დატოვეს და მშვიდობიანი მოსახლეობა საომარ ზონაში მიატოვეს. ევროპის საბჭოში კი რეზოლუციას მოაწერეს ხელი, რომელიც საქართველოს ადანაშულებდა საომარი მოქმედებების დაწყებაში. აი, ისინიც გამოჩნდნენ, ტაშით მივესალმოთ, სიმბოლურად შემოვიდნენ და მოვუსმინოთ", - აღნიშნა არჩილ თალაკვაძემ.
თავის მხრივ, ელენე ხოშტარიამ თალაკვაძის გამოსვლა "ცეკას მოხსენებას" შეადარა და აღნიშნა, რომ "ჩვენი ქვეყანა არასდროს იქნება საბჭოთა კავშირი".
"ჩვენ ქვეყანაში არ იქნება ცეკას მოხსენებები. იმიტომ რომ ბიძინა ივანიშვილს აქვს ძალაუფლება, არ ნიშნავს, რომ ჩვენ ამას ვეგუებით.მუდმივად ექნებათ ეს დისკომფორტი", - განაცახადა ელენე ხოშტარიამ, რითაც მათ მიერ გამართული პერფორმანსის მიზეზი ახსნა.
საბოლოოდ ოპოზიციონერმა დეპუტატმა სასესიო დარბაზი მანდატურების დახმარებით დატოვეს.