უკან

უახლესი ამბები

დღის კალენდარი

ანონსები

არქივი

პოლიტიკა

19 ოქტომბერი, 2017 16:55
font-size

მუხიანის განვითარების ორი ხედვა -,,ქართული ოცნება“ და ,,ნაციონალური მოძრაობა“ მუხიანელებს წინასაარჩევნოდ პროექტებს სთავაზობენ

,,ნაციონალური მოძრაობა“ და ,,ქართული ოცნება“ მოსახლეობას მუხიანის განვითარების საკუთარ ხედვებს სთავაზობენ.

პირველ შემთხვევაში ეს არის მუხიანის ინდუსტრიული პარკის მშენებლობა, მმართველი გუნდმა კი წინასაარჩევნოდ მუხიანში ე.წ. ,,შარდენის“ ანალოგიური სივრცის განვითარების პერსპექტივა წარმოადგინა.

მუხიანის ინდუსტრიული პროექტის ინიციატორი ,,ნაციონალური მოძრაობის“ მუხიანის მაჟორიტარობის კანდიდატი გიორგი ჟამუტაშვილია, რომელიც “მედიანიუსთან” აღნიშნული პროექტის დეტალებზე საუბრობს და იმაზე აკეთებს აქცენტს, თუ რა დადებით შედეგებს მოუტანს ინდუსტრიული პარკის მშენებლობა მუხიანს.

მაჟორიტარობის კანდიდატის განმარტებით, პროექტი ესტონელი ბიზნესმენების მიერ შექმნილ მოდელს წარმოადგენს, რომელიც წარმატებითაა აპრობირებული ევროპის რიგ ქვეყნებში, მათ შორის დანიაში, ბალტიისპირეთის ქვენებსა და შვედეთში.

ჟამუტაშვილის თქმით, საუბარია მუხიანში მუნიციპალიტეტის საკუთრებაში არსებული 60 ჰა მიწის ნაკვეთზე, რომელიც შესაძლებელია ინდუსტრიული ზონის მოწყობა.

ინდუსტრიული პარკი 88 ნაწილად იქნება დაყოფილი და თითოეულ - 5 ათას კვადრატული მეტრის ფართობზე განლაგებულ ზონას თავისი დანიშნულება ექნება.

როგორც ჟამუტაშვილი ამბობს, ინდუსტრიული პარკის მშენებლობა არა სახელმწიფოს, არამედ უცხოელი ინვესტორების მიერ განხორციელდება.

პროექტი საწყის ეტაპზე 15 მილიონი ევროს ინვესტიციას და 10-დან 15 ათასამდე ახალი სამუშაო ადგილის შექმნას გულისხმობს.

მისივე თქმით, პროექტის მიმართ ინტერესი უკვე გამოთქვეს უცხოელმა ინვესტორებმა.

ჟამუტაშვილის განცხადებით, ინდუსტრიული პარკის მიზანია, უზრუნველყოს “ყველაფერი ერთში” პირობები კომპანიებისთვის, რომელთაც სურვილი აქვთ საქართველოში დაიწყონ წარმოება თუ მომსახურება.

პარკში განლაგდება სასაწყობე და საოფისე შენობები, ასევე გამოყოფილი იქნება სავაჭრო ფართები და ტერიტორია რესტორნებისა და სასტუმროებისთვის.

მისივე თქმით, პროექტი დასაწყისისთვის უზრუნველყოფს ხელმისაწვდომ საიჯარო ფასებს და ბიზნესის ხელშეწყობის მომსახურებას.

,,პროექტის განხორციელება გამოიწვევს დასაქმების პრობლემების მოგვარებას, გზების გაყვანას და ინფრასტრუქტურის მოწესრიგებას.

ბიზნესი მოქცეული იქნება ერთ სივრცეში და ბიზნესმენებისთვის უფრო ადვილი იქნება საქმის წარმართვა“, - განაცხადა ჟამუტაშვილმა.

მისივე თქმით, პროექტის დამტკიცების შემთხვევაში მისი განხორციელების მაქსიმალური ვადა 2024 წელი იქნება.

მუხიანის განვითარების თავისეული ხედვა შესთავაზა ამომრჩეველს წინასაარჩევნოდ ,,ქართულმა ოცნებამ.“

მმართველი გუნდის შემთხვევაში საუბარია, ე.წ. რადიო ქალაქზე, რომელსაც ,,შარდენის“ ანალოგიურ პროექტადაც მოიხსენიებენ.

როგორც თბილისის მერობის კანდიდატმა ,,ქართული ოცნებიდან“, კახა კალაძემ გლდანში ამომრჩეველთან შეხვედრისას განაცხადა, ე.წ. რადიოქარხნის ტერიტორია ახალგაზრდების დასასვენებელ ადგილად იქცევა.

“მედიანიუსი” ,,ქართული ოცნების“ მერობის კანდიდატის მიერ დასახელებული პროექტის დეტალებთან დაკავშირებით მმართველი პარტიის გლდანის მაჟორიტარობის კანდიდატს, ქეთევან ჯოხაძეს დაუკავშირდა.

როგორც ჯოხაძემ განმარტა, აღნიშნული პროექტის განხორცილება მოხდება კერძო ინვესტიის გზით და არა სახელმწიფო ბიუჯეტიდან.

,,ეს არის პროექტი, რომელსაც კერძო ინვესტორები განახორციელებენ. სახელმწიფო ბიუჯეტიდან არ გაკეთდება. ბატონმა კახიმ (კალაძე - რედ) წინასაარჩევნოდ გააჟღერა ამ პროექტის შესახებ და დეტალურად არაფერია ცნობილი. ინვესტიცია იქნება უცხოური, თუ ადგილობრივი, მოგვიანებით გადაწყდება. ეს არის ჯერჯერობით მხოლოდ და მხოლოდ პროექტი“, - განაცხადა მაჟორიტარობის კანდიდატმა.

რაც შეეხება კითხვას, რატომ ვერ მოხერხდა 2014 წელს დედაქალაქის მერის დავით ნარმანიას დაპირების შესრულება, რომელიც ე.წ. რადიოქარხნის ტერიტორიაზე ახალი ქარხნის მშენებლობას უკავშირებოდა, ჯოხაძე ამბობს, რომ მაშინ ინვესტორმა დაკისრებული ვალდებულებები ვერ შეასრულა.

,,მაშინ ინვესტორმა ვერ შეასრულა ვალდებულებები და სახელმწიფომ პროექტი წამოიღო უკან“, - აღნიშნა ქეთევან ჯოხაძემ.

ნინო ექვთიმიშვილი

ეს მებრძოლი ხალხი „ბოკერია-ბურჯანაძის“ პოლიტიკური გვამების გასაცოცხლებლად არ მოდის, არა - თაკო ჩარკვიანი

27 თებერვალი, 2021 , 12:39

ნუ აყენებთ ხალხს შეურაცხყოფას, ეს მებრძოლი ხალხი, „ბოკერია- ბურჯანაძის“ პოლიტიკური გვამების გასაცოცხლებლად არ მოდის არა! ახალგაზრდა, ჭკვიან ხალხს დაუთმეთ გზა ,– ამის შესახებ „კანონი და სამართლის&l

ლევან დავითაშვილი საქართველოში ნორვეგიის ელჩს ჰელენ სანდ ანდრესენს შეხვდა

27 თებერვალი, 2021 , 11:20

გარემოს დაცვისა და სოფლის მეურნეობის მინისტრი ლევან დავითაშვილი საქართველოში ნორვეგიის ელჩს ჰელენ სანდ ანდრესენს შეხვდა. გარემოს დაცვისა და სოფლის მეურნეობის სამინისტროს ინფორმაციით, გაცნობითი ხასიათის შეხვედრაზე, მხარეე

როგორია მომდევნო აქციების გეგმა

26 თებერვალი, 2021 , 15:50

პარლამენტის წინ, ოპოზიციის აქციაზე, "ერთიანი ნაციონალური მოძრაობის" წევრმა, ხატია დეკანოიძემ, მოსახლეობას მომდევნო აქციების გეგმა გააცნო. ოპოზიცია მარტის თვეში რამდენიმე აქციას, მათ შორის კანცელარიის პიკეტს და პარლამენტი

„ქართული ოცნების“ თავზე თავისუფალი სამყაროს პროტესტის ზვავია“ - აქციაზე ოპოზიციური პარტიების საერთო განცხადება წაიკითხეს

26 თებერვალი, 2021 , 15:50

ოპოზიციური პარტიების ორგანიზებით მიმდინარე „თავისუფლების მარშის“ აქციაზე „ლელოს“ ერთ-ერთმა ლიდერმა ბადრი ჯაფარიძემ საზოგადოებას ოპოზიციური პარტიების საერთო განცხადება გააცნო. როგორც განცხადებაშია

“ჩემგან მოითხოვეს ხარკი, თავისუფლების ქირა “ - ნიკა მელია მხარდამჭერებს ციხიდან წერილს უგზავნის

26 თებერვალი, 2021 , 15:17

პარლამენტთან მიმდინარე აქციაზე, ნიკა მელიას მიერ ციხიდან გამოგზავნილი წერილი წაიკითხეს. წერილი აქციის მონაწილეებს „ნაციონალური მოძრაობის“ ერთ-ერთმა ლიდერმა ხატია დეკანოიძემ გააცნო. „მოგესალმებით თანამებ

ყოფილი მსჯავრდებულის მიმართ სააპელაციო სასამართლომ გამამართლებელი განაჩენი დაადგინა - პროკურატურამ „ყინწვისის საქმეზე“ კიდევ 12 ყოფილი მსჯავრდებულის განაჩენის გადასინჯვის გადაწყვეტილება მიიღო - პროკურატურა

26 თებერვალი, 2021 , 14:30

პროკურატურის შუამდგომლობის საფუძველზე ყოფილი მსჯავრდებულის, ზვიად კვარაცხელიას მიმართ თბილისის სააპელაციო სასამართლომ გამამართლებელი განაჩენი დაადგინა. ამის შესახებ ინფორმაციას პროკურატურა ავრცელებს. მათივე ცნობით, ასევე