უკან

უახლესი ამბები

დღის კალენდარი

ანონსები

არქივი

პოლიტიკა

20 ოქტომბერი, 2017 13:05
font-size

მუქარა-ზეწოლის 10-ზე მეტი, ფიზიკური დაპირისპირების 5, უკანონო აგიტაციაში მონაწილე 5 ფაქტი - საია წინასაარჩევნო დარღვევებზე

„საანგარიშო პერიოდში დაფიქსირდა სავარაუდო მუქარა/ზეწოლის 10-ზე მეტი, ფიზიკური დაპირისპირების 5, ადმინისტრაციული რესურსის გამოყენების 9, წინასაარჩევნო აგიტაციაში უკანონო მონაწილეობის 5 ფაქტი“, - ასეთი დასკვნა გამოიტანა საქართველოს ახალგაზრდა იურისტთა ასოციაციამ წინასაარჩევნო პროცესებთან დაკავშირებით.

საანგარიშო პერიოდი 2017 წლის აგვისტო-ოქტომბერში მიმდინარეობდა.

საიას შეფასებით, წინასაარჩევნო პერიოდი მეტ-ნაკლებად მშვიდ და კონკურენტულ გარემოში წარიმართა, ხოლო საარჩევნო სუბიექტებმა მოახერხეს თავისი პროგრამების წარდგენა და პრეზენტაცია ამომრჩეველთან. მიუხედავად მისა, ცალკეული დარღვევები მაინც დაფიქსირდა.

ორგანიზაციის ანგარიშით, ყველაზე პრობლემური რეგიონები აღმოჩნდნენ ქვემო ქართლი, სამცხე-ჯავახეთი და სამეგრელო. იქ იყო ჩანიშნული როგორც შიდაპარტიული დაპირისპირების ფაქტები, ასევე დაძაბული კონკურენტული გარემო. საიამ ასევე აღნიშნა, რომ ამ ეტაპზე მიმდინარე გამოძიებები ვერ ქმნის დაცულობის განცდას და კანდიდატებისთვის უსაფრთხო გარემოს ვერ უზრუნველყოფს.

საიამ მოუწოდა შესაბამის უწყებებს, მყისიერი რეაგირება განახორციელონ ანგარიშში მითითებულ დარღვევებზე, რაც მათ შემდგომ პრევენციას განაპირობებს.

ჩატარებული მონიტორინგით დადგინდა, რომ საუბნო საარჩევნო კომისიების დაკომპლექტება დროულად მოხერხდა. კანონმდებლობის თანახმად, მასში უნდა შედიოდეს 7 პარტიული და 6 პროფესიული პირი. საანგარიშო პერიოდში დაფიქსირდა, რომ კომისიის წევრებად აირჩიეს ისეთი პირებიც, ვისაც წინა არჩევნებში შეეფარდათ დისციპლინური პასუხისმგებლობა. აირჩიეს ის ადამიანებიც, ვინც ახლო წარსულში წარმოადგენდნენ სხვადასხვა პარტიას საარჩევნო ადმინისტრაციაში.

საიას ინფორმაციით, საოლქო საარჩევნო კომისიები მიღებულ განცხადებებსა თუ საჩივრებს ზედაპირულად სწავლობდნენ და საბოლოო გადაწყვეტილებას სავარაუდო დამრღვევის ახსნა-განმარტების საფუძველზე იღებდნენ.

არასამთავრობო ორგანიზაცია ყურადღებას ამახვილებს 2017 წლის თვითმმართველობის არცჩვნებზე ქალთა ჩართვისა და მონაწილეობის პრობლემაზე.

უწყებათაშორისი კომისიის საქმიანობის შეფასებისას, საიამ ურჩია მას, არ შემოიფარგლოს მხოლოდ რეკომენდაციის გაცემით და უფრო ქმედით ნაბიჯებზე გადავიდეს. საანგარიშო პერიოდში უწყებამ 5 სხდომა გამართა და 3 რეკომენდაცია გასცა. უწყების შუალედური ანგარიშით, გამოძიება დაიწყო სისხლის სამართლის 11 საქმეზე, აქედან 1-ზე შეწყდა გამოძიება დანაშაულის ნიშნების არარსებობის გამო.

რაც შეეხება საარჩევნო სუბიექტების დაფინანსებას, აუდიტის სამსახურის მიერ დაფიქსირებული თითქმის 13-მილიონიანი შემოწირულობების უდიდესი ნაწილი მმართველი პარტიის ანგარიშზეა გადმორიცხული. იურიდიული პირებიც ძირითადად სახელისუფლებო გუნდს აფინანსებდნენ. იურიდიული პირების მიერ ოპოზიციური პარტიებისა და დამოუკიდებელი კანდიდატების სასარგებლოდ ძირითადად არაფულადი შემოწირულება ფიქსირდება.

საიას შეფასებით, მედიაგარემო პლურალისტური, მაგრამ პოლარიზებული იყო. ორგანიზაციამ ასევე მიუთითა სოციალურ ქსელებში წარმოებულ შავ პიარკამპანიებზე სხვადასხვა საარჩევნო სუბიექტის (მაგალითად, თბილის მერობის დამოუკიდებელ კანდიდატ ალეკო ელისაშვილის) წინააღმდეგ.

რაც შეეხება ადმინისტრაციული რესურსის გამოყენებას, საიამ მიუთითა სკოლის, საბავშვო ბაღების პედაგოგების, ააიპების თანამშრომლების ჯგუფურ დასწრებაზე მმართველი პარტიის წინასაარჩევნო შეხვედრებზე. ორგანიზაციის შეფასებით, ეს შეხვედრები ორგანიზებულ და სავალდებულო ხასიათს ატარებდა და სასწავლო პროცესის პოლიტიზირების საფრთხე შექმნა. მაგალითად მოყვანილია შუახევის ინციდენტი, როცა სოფელ სხეფის საჯარო სკოლაში სკოლის მოსწავლეები „ქართული ოცნების“ დროშებით გადაიღეს. ამის გამო პედაგოგ მარინა დარჩიძეს საყვედური გამოუცხადეს, ხოლო სკოლას წერილობითი გაფრთხილება მისცეს. ასევე ნახსენებია საბავშვო ბაღების თანამშრომლების ორგანიზებული ჩართვა წინასაარჩევნო პროცესებში და რესურსცენტრის ხელმძღვანელების მხრიდან მმართველი პარტიის კანდიდატების სასარგებლოდ აგიტაცია. საიას თქმით, მსგავსი ფაქტები წარმოადგენს ადმინისტრაციული რესურსის გამოყენებას მმართველი პარტიის სასარგებლოდ და ეწინააღმდეგება ეუთოს კოპენჰაგენის დოკუმენტის 5.4 მუხლს, რომელიც მოითხოვს სახელმწიფოსა და პოლიტიკური პარტიის საქმიანობის გამიჯვნას. აღნიშნული მუხლის თანახმად, პოლიტიკური პარტიები არ უნდა იყვნენ აღრეულნი სახელმწიფოსთან.

საიამ ასევე ყურადრება გაამახვილა 29 სექტემბრის საქველმოქმედო მატჩზე, სადაც მსოფლიო საფეხბურთო ვარსკვლავებთან ერთად „ქართული ოცნების“ თბილისის მერობის კანდიდატმა კახა კალაძემაც მიიღო მონაწილეობა. ორგანიზაციამ ეს შეხვედრა კალაძის პოზიტიურად წარმოცენის მცდელობად შეაფასა, ხოლო საფეხბურთო ფედერაციის მიერ გაწეული ხარჯი საარჩევნო სუბიექტისთვის გაღებულ შემოწირულობად, რომლის უფლება ფედერაციას როგორც არასამეწარმეო პირს არ აქვს.

საანგარიშო პერიოდში ვრცელდებოდა ინფორმაცია, რომ სხვადასხვა ოპოზიციური პარტიების კანდიდატები, საკუთარ კანდიდატურებს ზეწოლის ან გადაბირების შედეგად ხსნიდნენ. აგრეთვე, რიგ შემთხვევებში, ადგილი ჰქონდა ზეწოლას ამომრჩევლებზე, იმ მიზნით, რომ მათ მმართველი პარტიისთვის დაეჭირათ მხარი.

საარჩევნო ადმინისტრაციის საქმიანობის ხელშეშლის ფაქტები დაფიქსირდა სამტრედიასა და თელავში.

საარჩევნო ადმინისტრაციის შენობის დარბევის ფაქტები კი ოზურგეთსა და გარდაბანში დაფიქსირდა, ჩამოხიეს ამომრჩეველთა სიის საჯარო ვერსიები და დაამსხვრიეს ფანჯრები.

ახალქალაქის საოლქო საარჩევნო კომისიის თავმჯდომარის მიმართ განხორციელდა მუქარა. მას დაემუქრნენ სიცოცხლით მოსპობით, ოჯახის წევრების უკანონო თავისუფლების აღკვეთითა და ქონების დაზიანებით.

ანა მებურიშვილი

საკვანძო სიტყვები:

„ქართული ოცნება” განწირულია ოპოზიციაში გადასვლისთვის - გიორგი კანდელაკი

3 ივლისი, 2020 , 16:55

“რაც უნდათ, ის დაგვიძახონ. ეს ვერ უშველის მათ გარდაუვალი მარცხისგან და ჩვენი ხალხის ნების განხორციელებისგან”, - ამის შესახებ “ევროპული საქართველოს” წევრმა, გიორგი კანდელაკმა განაცხადა. მისი თქმით,

რეფორმები ჩვენი ნორმალური მდგომარეობა უნდა გახდეს - გიორგი გახარია

3 ივლისი, 2020 , 15:20

საპარლამენტო რესპუბლიკა და პროპორციული საარჩევნო სისტემა არის თანამედროვე დემოკრატიის ერთ-ერთი ყველაზე მაღალი მახასიათებელი, ამან ფუნდამენტურად უნდა შეცვალოს ჩვენი პოლიტიკური ველი, ჩვენი პოლიტიკური კულტურა, - ამის შესახე

„მომეწონა ხელისუფლებაში ყოფნა, ქვეყნის ძარცვა, კორუფცია გადასარევია და ამიტომ უნდა დავრჩე“ - სავარაუდოდ ეს იქნება „ქართული ოცნების“ ბოლო საარჩევნო დაპირება - დავით ჭიჭინაძე

3 ივლისი, 2020 , 12:55

„მომეწონა ხელისუფლებაში ყოფნა, ქვეყნის ძარცვა, კორუფცია გადასარევია და ამიტომ უნდა დავრჩე“ - სავარაუდოდ ეს იქნება „ქართული ოცნების“ ბოლო საარჩევნო დაპირება, სხვა აღარაფერი დაიტოვეს, - ამის შესახებ

იმ ქვეყანასთან თანამშრომლობა, სადაც პოლიტპატიმრები არიან, არც ერთ ნორმალურ სახელმწიფოს არ სურს - ბადრი ჯაფარიძე

2 ივლისი, 2020 , 17:35

„ლელო საქართველოსთვის“ ლიდერი ბადრი ჯაფარიძე 8 მარტის შეთანხმებაზე საუბრობს. მისი განცხადებით, ქვეყანაში მართლმსაჯულების პოლიტიკური მიზნებით გამოყენება ხდება და მმართველი გუნდის განცხადება, ქვეყანაში პოლიტპატ

ოლიგარქს აქ ავტორიტარული რეჟიმის დამყარებას არავინ აპატიებს. მოუწევს რურუას გათავისუფლება - რომან გოცირიძე

2 ივლისი, 2020 , 16:25

“ოლიგარქს აქ ავტორიტარული რეჟიმის დამყარებას და ქვეყნის თავის ჭკუით მართვას არავინ აპატიებს. მოუწევს რურუას გათავისუფლება,” - ამის შესახებ ფრაქცია „ნაციონალური მოძრაობის“ თავმჯდომარემ რომან გოცირი

საერთაშორისო თანამეგობრობა ძალიან კარგად ხედავს, აფასებს, ვინ როგორ ასრულებს 8 მარტის შეთანხმებას - დავით ზალკალიანი

2 ივლისი, 2020 , 16:25

საერთაშორისო თანამეგობრობა ძალიან კარგად ხედავს, აფასებს, ვინ როგორ ასრულებს 8 მარტის შეთანხმებას, კარგად დავინახეთ, ჩვენც და საერთაშორისო თანამეგობრობამაც „ქართული ოცნების“ პოლიტიკური გუნდი იყო ერთგული ამ გა

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე