უკან

უახლესი ამბები

დღის კალენდარი

ანონსები

არქივი

ეკონომიკა

14 მაისი, 2019 15:50
font-size

ნაღდი ფულის მიმოქცევის და მართვის თემაზე საქართველო საერთაშორისო კონფერენციას მასპინძლობს

14-16 მაისს, სასტუმრო „შერატონ გრანდ თბილისი მეტეხი პალასში“, კომპანია “Currency Research”, საქართველოს ეროვნულ ბანკთან თანაორგანიზებით ნაღდი ფულის მიმოქცევისა და მართვის თემებზე საერთაშორისო კონფერენციას მასპინძლობს. ღონისძიებაში მონაწილეობენ ევროპისა და რეგიონის ცენტრალური და კომერციული ბანკების, ასევე ფულის მწარმოებელი, დამხარისხებელი და ამ სფეროსთან დაკავშირებული საერთაშორისო კომპანიების წარმომადგენლები.

ღონისძიება წელიწადში ერთხელ რეგიონების მიხედვით, სხვადასხვა ქვეყანაში იმართება. წელს პირველად, ICCOS Europa - ს მასპინძელი საქართველოა.

შეხვედრის მონაწილეებს ეროვნული ბანკის აღმასრულებელმა დირექტორმა, ვახტანგ ბურკიაშვილმა მიმართა, რომელმაც საქართველოს ეროვნული ბანკის მიერ ბოლო წლებში განხორციელებულ მნიშვნელოვან რეფორმებსა და პროექტებზე ისაუბრა.

“მოხარულნი ვართ, რომ პირველად რეგიონის მასშტაბით, საქართველოა ICCOS Europa-ს მასპინძელი. აღნიშნული კონფერენცია არის უნიკალური შესაძლებლობა, რომელიც მიზნად ისახავს ყველა დაინტერესებულ მხარეს გააცნოს ნაღდი ფულის მართვის სფეროში არსებული პერსპექტივები, იდეები, თანამედროვე ტექნოლოგიები, სტრატეგიები და საუკეთესო საერთაშორისო პრაქტიკა. შეხვედრის მონაწილეებს გავაცანით საქართველოს ეროვნული ბანკის მიღწევები ამ მიმართულებით და გავუზიარეთ მათ ჩვენი გამოცდილება. შეგახსენებთ, რომ საქართველო პირველი ქვეყანაა დსთ-ს სივრცეში, რომელსაც ევროსტანდარტების შესაბამისი, უსაფრთხოების თანამედროვე ტექნოლოგიებით აღჭურვილი საკასო ცენტრი აქვს.

კონფერენციის ფარგლებში მონაწილეებს შესაძლებლობა ექნებათ განიხილონ და იმსჯელონ ნაღდი ფულის მართვისა და საგადახდო სფეროში არსებულ გლობალურ ტენდენციებზე, ერთმანეთს გაუზიარონ საკუთარი ქვეყნების გამოცდილება და ამ სფეროში გატარებული წარმატებული რეფორმები. ასევე, შეხვდნენ ნაღდი ფულის მართვასთან დაკავშირებულ კომპანიებს და ადგილზე გაეცნონ მათ პროდუქტებსა და მომსახურებებს.

ვიმედოვნებ, რომ ამ პრესტიჟული ღონისძიების შემდგომ საქართველო კიდევ არაერთი შეხვედრის მასპინძელი იქნება“, - განაცხადა ვახტანგ ბურკიაშვილმა.

კონფერენციის მონაწილეები საქართველოს ეროვნული ბანკის საკასო ცენტრს ეწვევიან და ადგილზე გაეცნობიან სამუშაო პროცესს.

საქართველოს ბანკის ფინანსური მხარდაჭერით ქართველმა მეღვინეებმა ღვინის საერთაშორისო ფესტივალში მიიღეს მონაწილეობა

21 მაისი, 2019 , 16:00

თბილისი. მედიანიუსი. 21.05.19. საქართველოს ბანკი მცირე და საშუალო ბიზნესის განვითარების მხარდაჭერას განაგრძობს არამხოლოდ საქართველოში, არამედ მის საზღვრებს გარეთ. ბანკის ფინანსური მხარდაჭერით ქართველმა მეღვინეებმა საფრან

უახლოეს მომავალში საქართველო გახდება მაღალტექნოლოგიური პროდუქციის მწარმოებელი ქვეყანა - მამუკა ბახტაძე

21 მაისი, 2019 , 12:25

უახლოეს მომავალში დავინახავთ, რომ საქართველო გახდება მაღალტექნოლოგიური პროდუქციის მწარმოებელი ქვეყანა, - ამის შესახებ საქართველოს პრემიერ-მინისტრმა მამუკა ბახტაძემ ქუთაისში, მზის ენერგიის მოდულების მწარმოებელი გერმანული

უცხოური ვალუტის ოფიციალური კურსი 21 მაისისთვის - დოლარი - 2.7470 ლარი, ევრო - 3.0643, ფუნტი - 3.4997

20 მაისი, 2019 , 17:53

საქართველოს ეროვნული ბანკის მიერ გამოქვეყნებული მონაცემების თანახმად, 21 მაისს ერთი ამერიკული დოლარი 2.7470 ლარი ეღირება, ევრო – 3.0643, ხოლო დიდი ბრიტანეთის გირვანქა სტერლინგი – 3.4997 ლარი. დღეს, 20 მაისს ე

როგორც ყველა ქვეყანაში, საქართველოშიც ორი დაბრკოლებაა, შიდა საკითხები და ქვეყნის გარეთ არსებული გარემო - კრისტინ ლაგარდი

20 მაისი, 2019 , 16:20

როგორც ყველა ქვეყანაში, საქართველოშიც ორი დაბრკოლებაა, შიდა საკითხები და ქვეყნის გარეთ არსებული გარემო, – ამის შესახებ საერთაშორისო სავალუტო ფონდის მმართველმა, კრისტინ ლაგარდმა საქართველოს მთავრობის ადმინისტრაციაში

III და IV კატეგორიის საწარმოებს 2019 წლის 1-ელ ოქტომბრამდე პირველად უწევთ ფინანსური ანგარიშგების შედგენა - „ნექსია თიეი“

18 მაისი, 2019 , 14:35

“ბუღალტრული აღრიცხვის, ანგარიშგებისა და აუდიტის შესახებ“ კანონის თანახმად, კომპანიები ბრუნვის, აქტივებისა და დასაქმებულების რაოდენობის მიხედვით ოთხ კატეგორიად დაიყო, ხოლო 2019 წლის 1-ელ ოქტომბრამდე ფინან

ჩვენი მთავარი გამოწვევა სიღარიბის დაძლევაა - ნათია თურნავა

18 მაისი, 2019 , 11:25

"ჩვენი მთავრობის მთავარი გამოწვევა არის სიღარიბის დაძლევა. ეკონომიკური ზრდა არა მხოლოდ ეკონომიკური ზრდისთვის, არამედ, პირველ რიგში, სიღარიბის დასაძლევად. ამისთვის გვაქვს სამი ძირითადი პრიორიტეტი, რომელზც პრემიერ-მინისტრი