მოზაიკა

ნანა ჯორჯაძის ფილმმა ჰოლივუდის დოკუმენტური ფილმების საერთაშორისო ფესტივალის 5 ჯილდო მოიგო

ქართველი რეჟისორის, ნანა ჯორჯაძის დოკუმენტურმა ფილმმა „ღვინის ნულოვანმა მერიდიანმა“ ჰოლივუდის დოკუმენტური ფილმების საერთაშორისო ფესტივალის 5 ნომინაციაში გაიმარჯვა. კერძოდ, ფილმმა ჯილდოები მიიღო შემდეგ კატეგორიებში: საუკეთესო რეჟისორი, საუკეთესო სცენარის ავტორი, საუკეთესო პროდიუსერი, საუკეთესო დამდგმელი ოპერატორი და როლის საუკეთესო შემსრულებელი.

საქართველოს სომელიეთა ასოციაციის თავმჯდომარემ და ფილმის პროდუსერმა, შალვა ხეცურიანმა „რუსთავი 2“-თან ინტერვიუში განაცხადა, რომ მას სურდა, რომ ღვინო ყოფილიყო „ის უნივერსალური ენა“, რომელიც ქვეყნის მეღვინეობის ტრადიციებსა და საქართველოზე ილაპარაკებდა.

ფილმი „მარანი ხეცურიანის“ ფინანსური დახმარებითა და საქართველოს სოფლის მეურნეობის სამინისტროს ღვინის ეროვნული სააგენტოს მხარდაჭერითაა გადაღებული.

ანა მებურიშვილი