უახლესი ამბები
- 18.04.2024 19:05ღრმად იმედგაცრუებულები ვართ საქართველოს პარლამენტის გადაწყვეტილებით კრემლის მიერ შთაგონებული კანონპროექტის დაინიცირების გამო - მეთიუ მილერი
- 18.04.2024 18:29“ვაცხადებთ სრულ კოორდინაციასა და მობილიზაციას კანონის მეორე მოსმენით განხილვის დღისთვის” - ექვსი ოპოზიციური პარტია ერთობლივ განცხადებას ავრცელებს
- 18.04.2024 14:47პაატა კვიჟინაძე ოპოზიციას - ერთ პიროვნებაზე იძახდით, გარბის საქართველოდან, გაფრინდაო, ახლა ამბობთ, შემოდის და აქ აბანდებსო, გაერკვიეთ, რა გინდათ
არქივი
კომენტარი
ნარკოპოლიტიკასთან დაკავშირებული კანონპროექტი საფრთხის შეცვლელია - დიმიტრი ხუნდაძე
პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარის მოადგიის დიმიტრი ხუნდაძის შეფასებით, ნარკოპოლიტიკასთან დაკავშირებით წარმოდგენილ პროექტში სამართლებრივი რეგულაციები ისეთი უნდა იყოს, რომ ნარკოტიკების მომხმარებელთა რაოდენობა არ გაიზარდოს.
ხუნდაძის შეფასებით, პარლამენტში წარმოდგენილი კანონპროექტი სერიოზული საფრთხის შემცველია.
მისი თქმით, რეფორმა აუცილებელია, თუმცა რეფორმის ფინანსური მხარეს სწორად უნდა იყოს გათვლილი და დრო სწორად შერჩეული.
„დოზები უნდა იყოს დაზუსტებული. ის, რაც კანონპროექტშია მოცემული, საფრთხის შემცველია. ევროპაში ერთი ადამიანის რეაბილიტაციისთვის 60 ევრო იხარჯება, ჩვენთან კი 2 ლარი. 2 ლარად ეს პროექტი ვერ განხორციელდება.
რისკები უნდა იყოს გათვალისწინებული. აუცილებელია, პროგრამა იყოს სრულფასოვანი. გარდა ფინანსებისა, კანონპროექტის ავტორების გათვლით, საჭიროა 5 სტაციონალური კლინიკა და 10 ფსიქოსარეაბილიტაციო ცენტრი. რა ფულით აკეთებთ ამას მითხარით და მე ვიქნები ამ კანონპროექტის ლობისტი. რას მოვაკლოთ, რა ფინანსებით გავაკეთოთ, ვირტუალურად?
ან რა პასუხს ვაძლევთ შეზღუდული შესაძლებლობის პირებს, დევნილებს, ვეტერანებს, მარტოხელა დედებს, მრავალშვილიან ოჯახებს, სოციალურად დაუცველებს, როცა გვინდა, რომ ნარკოდამოკიდებულთა რეაბილიტაციაში 40 მილიონი ჩავდოთ. კი ბატონო, ჩაიდოს, მაგრამ საიდან, რას მოვაკლოთ და როგორ? პრიორიტეტების დაგეგმვაც სწორად უნდა ვისწავლოთ“, – აცხადებს დიმიტრი ხუნდაძე.
მონიკა დავლიანიძე