უკან

უახლესი ამბები

დღის კალენდარი

ანონსები

არქივი

პოლიტიკა

28 თებერვალი, 2018 12:40
font-size

ნარკოპოლიტიკის ლიბერალიზაციის შესახებ კანონპროექტს პირველი მოსმენით მარტის განმავლობაში მივიღებთ - აკაკი ზოიძე

ჯანდაცვის კომიტეტის საპარლამენტო კომიტეტის თავმჯდომარის, აკაკი ზოიძის განცხადებით, უმრავლესობა ნარკოპოლიტიკის ლიბერალიზაციის შესახებ კანონპროექტთან დაკავშირებით მომდევნო ათი დღის განმავლობაში პრემიერს შეხვდება.

რაც შეეხება საკანონმდებლო ცვლილებების პირველი მოსმენით განხილვას პარლამენტის პლენარულ სხდომაზე, ზოიძის თქმით, ეს მარტში მოხდება.

„გარკვეული კონტურები გამოიკვეთა იმ საკამათო თემებზე, რაც ეხება ზღვარსა და საკითხს პატიმრობის გაუქმების შემთხვევაში, ალტერნატიული სასჯელის რა მექანიზმები უნდა იყოს იმისთვის, რომ ნარკომოხმარება არ წახალისდეს. პოზიციები იმაზეც შეჯერდა, რა თანხები დასჭირდება ახალ სერვისებს. ველოდებით, რომ უახლოესი ათი დღის განმავლობაში პრემიერთან შეხვედრა გაიმართოს, რის შემდეგაც შეხვედრები საზოგადოების სხვადასხვა ჯგუფთან შედგება, მათ შორის სასულიერო პირებთან. შემდეგ საკითხზე იურიდიულ კომიტეტში ვიმსჯელებთ. პირველი მოსმენით კი, ცვლილებებს მარტის განმავლობაში მივიღებთ“, -უთხრა ზოიძემ პირველ არხს.

ზოიძემ აღნიშნა, რომ „ქართული ოცნების“ ფრაქცია „კონსერვატორები“ არ ეთანხმება ნარკომოხმარებაზე სისხლის სამართლის პასუხისმგებლობის მოხსნას და მხოლოდ შესაბამისი მომსახურების განვითარებაზე თანხმდება.

„პოზიციები პრემიერთან შეჯერდება. ჩვენი ლიდერი პრემიერია და უმრავლესობის შეჯერებული პოზიცია პრემიერთან შეჯერებას ნიშნავს. ეს შეხვედრა ყველა მონაწილე მხარესთან იქნება. აღნიშნული თემა ისეთია, სადაც საზოგადოების ნაწილი რეფორმის მოწინააღმდეგედ ისე დარჩება, როგორც ბევრ სხვა ქვეყანაში მოხდა. თუმცა, მათ აზრი მაშინ შეიცვალეს, როცა ორი-სამი წლის შემდეგ შედეგები მიიღეს. გასაგებია, რომ ამ კონკრეტულ ცვლილებას „კონსერვატორების“ მხარდაჭერა არ ექნება, რადგან მათი აზრით, ამ მიმართულებით საერთოდ არაფერი უნდა შეიცვალოს და მხოლოდ სერვისების განვითარება უნდა მოხდეს.

„კონსერვატორები“ ნარკომოხმარებაზე სისხლის სამართლის პასუხისმგებლობის მოხსნას არ ეთანხმებიან. პოზიცია არსებობს, რაზეც შევჯერდებით და რაზეც აზრთა სხვადასხვაობა იქნება. ან თავისუფალი კენჭისყრა გაიმართება, ან ყველაფერი ისე მოხდება, როგორც პრემიერი და უმრავლესობა გადაწყვეტენ“, – განაცხადა ზოიძემ.

აღნიშნული კანონპროექტი პირველი მოსმენით განიხილა ჯანდაცვის კომიტეტმა და მხარი დაუჭირა.

ანა მებურიშვილი

არჩილ თალაკვაძემ ამერიკის შეერთებულ შტატებში პირველი სამუშაო ვიზიტი დაასრულა

20 ივლისი, 2019 , 11:23

საქართველოს პარლამენტის თავმჯდომარემ არჩილ თალაკვაძემ თანმხლებ დელეგაციასთან ერთად, ამერიკის შეერთებულ შტატებში პირველი სამუშაო ვიზიტი დაასრულა. ვიზიტის ბოლო დღეს არჩილ თალაკვაძემ შეხვედრები სახელმწიფო დეპარტამენტში, აშშ

ლაშა დარსალია ეუთო-ს გენერალურ მდივანს შეხვდა

20 ივლისი, 2019 , 10:59

18-19 ივლისს საქართველოს საგარეო საქმეთა მინისტრის მოადგილე ლაშა დარსალია სამუშაო ვიზიტით ვენაში იმყოფებოდა. საქართველოს საგარეო უწყების ცნობით, ვიზიტის ფარგლებში მინისტრის მოადგილე შეხვდა ეუთო-ს გენერალურ მდივანს, თომას

დავით ზალკალიანი ევროპისა და ევრაზიის საკითხებში აშშ-ის სახელმწიფო მდივნის თანაშემწეს შეხვდა

19 ივლისი, 2019 , 16:30

საქართველო-ამერიკის სტრატეგიული პარტნიორობის მიმდინარე საკითხები, რეგიონში არსებული უსაფრთხოების გარემო, საქართველოს ევრო-ატლანტიკური ინტეგრაციის პროცესი განიხილეს საქართველოს საგარეო საქმეთა მინისტრმა, დავით ზალკალინმა

საქართველოს დელეგაციამ გაერო-ს მაღალი დონის პოლიტიკურ ფორუმში მიიღო მონაწილეობა

19 ივლისი, 2019 , 11:44

საქართველოს დელეგაციამ მთავრობის ადმინისტრაციის უფროსის, კახა კახიშვილის ხელმძღვანელობით 13-19 ივლისს ნიუ-იორკში მდგრადი განვითარების მიზნების (SDG) შესახებ გაერო-ს მაღალი დონის პოლიტიკურ ფორუმში (HLPF) მიიღო მონაწილეობა

საქართველოში ტურიზმის მხარდასაჭერად ისრაელის დელეგაცია იმყოფება

18 ივლისი, 2019 , 14:20

„ისრაელის სახლის“ მოწვევით, თბილისს ისრაელის ქნესეთისა და პრემიერ ნეთანიაჰუს პარტიის - ლიქუდის წევრები, აგრეთვე, ბიზნესისა და მედიის წარმომადგენლები სტუმრობენ. 25-კაციან დელეგაციას ქნესეთის მმართველი კოალიციი

თავდაცვის მინისტრი ნატოს გენერალური მდივნის მოადგილის თანაშემწეს შეხვდა

18 ივლისი, 2019 , 11:15

თავდაცვის მინისტრმა, ლევან იზორიამ ოპერაციების საკითხებში ნატოს გენერალური მდივნის მოადგილის თანაშემწეს, ჯონათან პერიშს უმასპინძლა. მხარეებმა ნატო-საქართველოს ურთიერთობის სტრატეგიული ასპექტები და თანამშრომლობის განვითარე

ვიდეო გალერეა

ზაზა ოქუაშვილი ახალი მასშტაბური კორუფციული სქემის შესახებ საუბრობს