მოზაიკა

წელის ქამრები და მათი გამოყენების მნიშვნელობა

თანამედროვე ცხოვრებაში ადამიანების უმეტესობა დიდ დროს ოფისში, კომპიუტერთან მუშაობაში ატარებს. ყოველდღიური ეს რეჟიმი კი ხშირად წელის ტკივილის მიზეზი ხდება.

მჯდომარე ცხოვრების წესის გარდა, ამ პრობლემას იწვევს დიდი ფიზიკური დატვირთვა და ვარჯიშის დროს მიღებული ტრავმა. არის შემთხვევები, როდესაც ეს შეგრძნება არასწორ პოზაში ძილს ან ხერხემლის პრობლემებსაც უკავშირდება. ამ დროს ვარჯიში ჭიმავს და აძლიერებს ზურგის კუნთებს. გარდა ამისა, ტრავმის დროს წელის ქამრების გამოყენება ხელს უწყობს დაზიანებული ადგილის იმობილიზაციას და შესაბამის არეში დატვირთვის ამსუბუქებს.

რა სახის წელის ქამრები არსებობს?

არსებობს სხვადასხვა სახის წელის ქამრები, რომლებიც ადამიანებს ჯანმრთელობის გარკვეული პრობლემების დაძლევაში ეხმარება. ეს პროდუქტები ერთმანეთისგან სიგრძით, სტრუქტურით, ქსოვილითა და დანიშნულებით განსხვავდება. ისინი ძირითადად ჰაერგამტარი ნეოპრინის ან ელასტიური ბამბის ქსოვილისგან არის დამზადებული.

წელის ქამრებს სტაბილიზაციისა და ფიქსაციის მიზნით აქვთ სპეციალური დამატებითი ჩანართები და ღვედები. ამ პროდუქციას მომხმარებლები იყენებენ როგორც პროფილაქტიკის, ასევე მკურნალობისა და რეაბილიტაციის პროცესში.

მაგალითად, არსებობს წელის სტანდარტული კორსეტი, რომელიც წელისა და ზურგის მწვავე ტკივილს ამსუბუქებს. ის დამზადებულია ანტიალერგიული ქსოვილისაგან და პლასტმასის ჩანართები აქვს. წელის კორსეტი მეტალის ჩანართებით კი ხერხემლის სვეტის სტაბილიზაციას ახდენს. მისი გამოყენება მალთაშუა დისკის თიაქრისა და მალების კომპრესიული მოტეხილობის დროს არის რეკომენდებული. არსებობს ასევე ისეთი ქამრებიც, რომელთა ტარებაც ოსტეოართრიტის, ოსტეოპოროზის, სქოლიოზისა და ხერხემლის კუნთების დაჭიმულობის დროს ძალიან ეფექტურია. ასეთია - ზურგის კორსეტი, რომელიც ბამბის ელასტიური ქსოვილისგან არის დამზადებული. მისი მორგება მარტივად ტანსაცმლის ქვეშაც შესაძლებელია.