უახლესი ამბები
- 25.04.2024 17:33სანქციები ივანიშვილს, უვიზო რეჟიმის კრიტერიუმების შემოწმება და რუსული კანონის მიღების შემთხვევაში უარი მოლაპარაკებებზე - ევროპარლამენტმა საქართველოზე რეზოლუცია მიიღო
- 25.04.2024 17:07საქართველოს აუქმებს ივანიშვილი - ლევან ხაბეიშვილი
- 25.04.2024 14:27ბოლო ბრალდებების კონტექსტის გათვალისწინებით, ევროპარლამენტის წევრები არ კოორდინირებენ თავიანთი წარმოშობის ქვეყნებთან და არ წარმოადგენენ მათ პოზიციებს - ლიეტუვის საელჩო
- 25.04.2024 13:51უკონტროლო მიგრაცია უდიდეს საფრთხეს უქმნის ევროპული ქვეყნების ეროვნულ იდენტობას - ირაკლი კობახიძე
- 25.04.2024 13:43საქართველოს ბანკის მხარდაჭერით აჭარა კოლექტივი რადიო ქალაქის პროექტს ახორციელებს
- 25.04.2024 13:33პიჯაკების საქმის პროცესებზე, დარბაზში დამსწრეთა რაოდენობა შეიზღუდება - მოსამართლის გადაწყვეტილება
- 25.04.2024 13:21ეს არ არის ჩვეულებრივი არჩევნები და არ შეიძლება მოვიქცეთ ჩვეულებრივად, ჩვენ გვჭირდება ერთიანი სია - მიხეილ სააკაშვილი
- 25.04.2024 12:59საქართველოს პროკურატურამ საფრანგეთის, შვეიცარიის და ლიეტუვის უწყებების წარმომადგენლების ჩართულობით, ფართომასშტაბიანი ტრანსნაციონალური დანაშაული გახსნა
- 25.04.2024 11:11ჩვენ არ გვინდა ევროპა ქრისტიანობის გარეშე, ევროპა, სადაც სქესი არჩევითია, გვინდა ევროპა, რომელმაც იცის სუვერენიტეტის, იდენტობის, დემოკრატიის, ღირსებისა და ქრისტიანული მორალის ფასი - „ხალხის ძალა“
- 25.04.2024 10:43ჯგუფურად კომერციული მოსყიდვის ფაქტზე ერთი პირი დააკავეს, ხოლო ერთი ამხილეს
არქივი
პოლიტიკა
ნატო ჩხეიძე: ამ დემოკრატიულმა გამჭვირვალობამ ხელშესახებად გამოაჩინა მმართველი ძალის სრული კოლაფსი
საზოგადოებამ აშკარად დაინახა და შეიგრძნო თუ ვის ხელშია ქვეყანა და თითოეული ადამიანის ყოფას რა სულიერი ავლა- დიდების ხალხი წარმართავს, - ასე შეაფასა პარლამენტის დამოუკიდებელმა დეპუტატმა ნატო ჩხეიძემ უზენაესი სასამართლოს უვადო მოსამართლეობის მსურველთა შერჩევის მიმდინარე პროცესი.
მისი თქმით, პროცესმა „თვალნათლივ დაანახა ყველას, თუ რა ტრაგიკულ ყოფაში ვყოფილვართ.“
„უვადო მოსამართლეობის მსურველთა შერჩევის ამ დემოკრატიულმა და გამჭცირვალე პროცესმა, ჯერ რომ იუსტიციის საბჭოში რომ გაიმართა და ახლა პარლამენტში მიმდინარეობს, უკვე თვალნათლივ დაანახა ყველას, - მუდმივ მაყურებელს, გულდასმით მსმენელს, თვალმოუშორებელ მნახველს, თუ ისე, სხვათაშორის თვალისმომომკვრელს თუ სხვის მიერ გადმოცემულის იმედადმყოფს, - თუ რა ტრაგიკულ ყოფაში ვყოფილვართ, საზოგადოებამ აშკარად დაინახა და შეიგრძნო თუ ვის ხელშია ქვეყანა და თითოეული ადამიანის ყოფას რა სულიერი ავლა- დიდების ხალხი წარმართავს.
არა მხოლოდ უვადო მოსამართლეობის მსურველთა უმრავლესობის მორალური სახე და არა პროფესიონალიზმი გამოჩნდა აშკარად, არამედ მათი დამცველი და მათი ცოდვების გამმართლებელი მმართველი პარტიის სრული დეგრადაციაც გამოიკვეთა. მაგალითად ისიც გამოდგება, ჯერ ისევ გენპროკურორ თადუმაძეს როგორ საყვედურობს ოცნების ერთ- ერთი ცნობადი სახე, პროფესიით იურისტი, დეპუტატი მდინარაძე, თუ რატომ აქამდე არ გამოიყენა მან ბოროტად და უკანონოდ გენპროკურორის თანამდებობა და იქვე აძლევს დავალებას, რომ ახლა მაინც მოასწროს და უკანონობა დააკანონოს, მის სტატუსს რომ არ ეკუთვნის და რომ არ ევალება, იმ სფეროში შეიჭრას და თვითნებურად იმოქმედოს მათთვის ჩვეული შერჩევითი და უსამართლო სამართლის სახელით. ჩვენ გვიტევენო, ბ- ნი მდინარაძის ამ შეშფოთების გასანეიტრალებლად. და გიტევენ და მოიგერიე, ბატონო მამუკა, რა გაგჭირვებიათ?.. გენპროკურორის უკანონო და ძალადობრივი ჩარევა რატომ უნდა დაისაჭიროვოთ პოლიტიკურ დებატებსა თუ ჟურნალისტურ სიუჟეტებისათვის პასუხგასაცემად?.. ალბათ სწორედ იმიტომ, რომ პარლამენტში მიმდინარე ეს დემოკრატიული და გამჭვირვალე პროცესი ჩვეულ ფორმალობას არ გასცდეს.
ოცნების გაუნელებელი სურვილი ალბათ ისაა, მათი თვითნებური არასამართლებრივი მმართველობის სტილის კიდევ ერთხელ, მაგრამ აშკარა გამომჟღავნება ისევ ფორმალობად დარჩეს, ქვეყანაში დემოკრატიის დეკლარირებისთვის და დემოკრატიულიბის ფასადის შექმნისთვის გამოდგეს და მეტი არაფერი. სხვა არც არაფერი შეიცვალოს. დიახ, ქართულ ოცნება იმედივნებს, რომ მიუხედავად არსებული ტრაგი- კომიკური ყოფისა, ქვეყანაში ყველაფერი მათ ნებაზე შენარჩუნდება. მაგრამ ამ დემოკრატიულმა გამჭვირვალობამ საზოგადოების თვალში ხელშესახებად გამოაჩინა მმართველი ძალის სრული კოლაფსი, რაც კიდევ უფრო თვალსაჩინოს და აუცილებელს ხდის მმართველი პარტიის დამარცხების გარდუვალობას მომავალ საპარლამენტო არჩევნებში,“ - განაცხადა ნატო ჩხეიძემ პარლამენტის პლენარულ სხდომაზე.