უკან

უახლესი ამბები

დღის კალენდარი

ანონსები

არქივი

პოლიტიკა

28 ივლისი, 2017 11:30
font-size

ნატო ჩხეიძე: ეს ცვლილებები ევროპას და დასავლურ ფასეულობებს გვაშორებს!

„თამბაქოს კონტროლის შესახებ კანონით“ გათვალისწინებულ შეზღუდვებს მხარი სრულიად შეგნებულად დავუჭირე, რადგან პროგრესული საზოგადოება და ყველა ნორმალური და თავის თავის პატივიმცემელი სახელმწიფო ამ მიმართულებით მიდის, ანუ შეზღუდვებს უწესებს თამბაქოს ინდუსტრიას, თუმც ეს ლეგალური ბიზნესია და ყველა ქვეყნის ბიუჯეტში მნიშვნელოვანი წილის შემტანი,“ - განაცხადა დეპუტატმა ნატო ჩხეიძემ პარლამენტში სიტყვის გამოსვლისას მას შემდეგ, რაც უმაღლესმა საკანონმდებლო ორგანომ, რიგგარეშე სხდომაზე, „თამბაქოს კონტროლის შესახებ“ კანონში ცვლილებები ერთი მოსმენით, გამარტივებული წესით შეიტანა.

„პარლამენტარებმა აღნიშნეს, რომ ეს კანონი საამაყოა,რადგან ჩვენი ახალგაზრდობის გაჯანსაღებას უწყობს ხელს. ამ კანონით დაწესდა მთელი რიგი შეზღუდვები, რაც შეიძლება, უსიამოვნო იყოს თამბაქოს ინდუსტრიისათვის, მაგრამ საჭირო და სასიცოცხლოა არა მარტო ჩვენი ქვეყნის მოსახლეობისათვის, არამედ სრულიად კაცობრიობისთვის,“ - აღნიშნა ჩხეიძემ, რომელიც მიიჩნევს, რომ კანონში შეტანილი ცვლილებები წინააღმდეგობაში მოდის ევროკავშირის ქვეყნების რეალობასა და ამ ქვეყნების მიერ თამბაქოს კონტროლთან დაკავშირებულ გაცხადებულ პოლიტიკასთან.

„წარმოდგენილი პროექტით, სრულიად უარგუმენტოდ და ცრუ ინფორმაციების მოშველიებით, ავტორები ცდილობენ, ისეთი ყველაზე ეფექტური საშუალების ამოქმედების 5 წლით, 2022 წლამდე გადაწევას, როგორიცაა თამბაქოს კოლოფის ე.წ. სტანდარტიზებული შეფუთვა და თამბაქოს კოლოფის ხილვადობის შეუძლებლობა. ასეთი კანონპროექტი შემოდის საქართველოს პარლამენტში მაშინ, როცა ინგლისის უზენაესმა სასამართლომ, წელს, 12 აპრილს, უარი უთხრა „ბრიტიშ ამერიკან ტობაკოს“, „იმპერიალ ტობაკოს“, „ჯი ტი აი“-ს და „ფილიპ მორისის“ ერთობლივ საჩივარს სწორედ სტანდარტული შეფუთვის წინააღმდეგ და, ერთწლიანი განხილვების შემდეგ სასამართლომ „არადამაჯერებლად და არასანდოდ მიიჩნია თამბაქოს კომპანიების მიერ წარმოდგენილი ფაქტები და მტკიცებულებები,“ - აღნიშნა ნატო ჩხეიძემ.

მისივე თქმით, დღეს ინგლისში, საფრანგეთსა და ევროპის კიდევ 9 ქვეყანაში თამბაქო სწორედ სტანდარტული, ანუ ერთიანი შეფუთვის მქონე კოლოფებით იყიდება. ასეთ კოლოფებზე მხოლოდ პროდუქტის სახელწოდება წერია, დანარჩენი ადგილი კი სამედიცინო გაფრთხილებასა და პიქტოგრამას უჭირავს.

„საქართველოს პარლამენტში სტანდარტული შეფუთვის 5 წლით გადავადებას ითხოვენ მაშინ, როცა ევროპის მართლმსაჯულების სასამართლომ, რომელიც ევროკავშირის სამართლის უმაღლესი ინსტანციის სასამართლოა და რომლის გადაწყვეტილებაც არსად საჩივრდება, კანონიერად მიიჩნია ევროკავშირის დირექტივა, რომელიც თამბაქოს ზემოაღნიშნულმა მულტინაციონალურმა ფირმებმა გაასაჩივრეს,“ - განაცხადა დეპუტატმა.

ცნობისთვის: ევროკავშირის დირექტივა ითვალისწინებს, რომ 2020 წლის 20 მაისამდე ევროკავშირის ქვეყნებმა თამბაქოს პროდუქციის რეალიზება მხოლოდ სტანდარტული შეფუთვით მოახდინონ.

„ჩვენი პარლამენტარების პროექტში არასწორად არის მითითებული და საგანგებოდ ხაზგასმულია, რომ ევროკავშირის ქვეყნები მხოლოდ 2020 წლიდან გეგმავენ ასეთი სტანდარტის შემოღებას და მერე სრულიად გაუგებარ გარდამავალ პერიოდსა და დაკვირვებაზე მიუთითებენ. არადა, ევროკავშირის დირექტივით , აღნიშნული დროისთვის დასრულებული უნდა იყოს კოლოფის სტანდარტული შეფუთვის პროცესი, რაც დაადასტურა ევროპის მართლმსაჯულების სასამართლომ და ასევე, ინგლისის უზენაესმა სასამართლომ.

ჩემდა გასაკვირად, კანონპროექტში წარმოდგენილი არგუმენტები ზუსტად ესადაგება ზემოაღნიშნულ მულტინაციონალური კომპანიების მიერ თავიანთ საჩივრებში წარმოდგენილ თემებს. როგორც ჩანს, თამბაქოს მულტინაციონალურ ინდუსტრიას იმედი აქვს, რომ იმას, რასაც ვერ მიაღწია ევროსასამართლოსა და ინგლისის უზენაეს სასამართლოში, მიაღწევს აქ, საქართველოს პარლამენტში. თუ ჩვენი მისწრაფება ევროპისკენ გაცხადებული სურვილია და არა - ფარსი, კიდევაც უნდა მივდიოთ ევროპულ წესებს და არ ვიქცეთ ბანანის რესპუბლიკად,“ - განაცხადა ნატო ჩხეიძემ, რომელსაც კენჭისყრამდე სიტყვით გამოსვლის საშუალება არ მიეცა.

მისივე თქმით, საქართველოს პარლამენტი იმისათვისაა, რომ საშვილიშვილო გადაწყვეტილებები მიიღოს: „დიახ, საქართველოს პარლამენტმა უნდა მიიღოს კანონები და ზოგადად, საშვილიშვილო გადაწყვეტილებები, რაც ამ კანონის მიღებისას გაცხადდა კიდეც და არ ცვალოს ის პირად საშვილიშვილო ინტერესების შესაბამისად. მით უფრო, რომ ამ კანონპროექტზე 19 პარლამენტარის ხელმოწერა მხოლოდ შთამბეჭდაობის გამოა და აქედან, ვფიქრობ, 15 დეპუტატი ხელს მხოლოდ კოლეგების სოლოდარობისთვის აწერს, კანონპროექტში ჩაწერილი არსისა თუ კანონპროექტის შემოტანის ფაბულაში წვდომის გარეშე.“

ყოველივე ზემოთქმულიდან გამომდინარე, ნატო ჩხეიძემ კოლეგებს ურჩია, რომ აღნიშნული საჩოთირო პროექტისთვის, რომელიც ევროპას და დასავლურ ფასეულობებს გვაშორებს, მხარი არ დაეჭირათ.

ახლა უმთავრესი მშვიდობიანი და სამართლიანი არჩევნების სამაგალითოდ ჩატარებაა - სალომე ზურაბიშვილი

1 ივლისი, 2020 , 17:30

საქართველოს პრეზიდენტი სალომე ზურაბიშვილი დღეს ფასილიტატორ ელჩებს შეხვდა, - ამის შესახებ ინფორმაციას საქართველოს პრეზიდენტის პრესსამსახური ავრცელებს. საქართველოს პრეზიდენტმა კიდევ ერთხელ მადლობა გადაუხადა ფასილიტატორ ელჩ

რუსლან აბაშიძე საქართველოში ნორვეგიის სამეფოს საგანგებო და სრულუფლებიან ელჩს შეხვდა

1 ივლისი, 2020 , 10:35

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე ნორვეგიის სამეფოს საგანგებო და სრულუფლებიან ელჩს საქართველოში ჰელენ სანდ ანდრესენს შეხვდა. შეხვედრა გაცნობით ხასიათს ატარებდა, - ამის შესახებ „

ირაკლი ღარიბაშვილი აშშ-ის ელჩს შეხვდა

30 ივნისი, 2020 , 15:45

ირაკლი ღარიბაშვილი საქართველოში ამერიკის შეერთებული შტატების საგანგებო და სრულუფლებიან ელჩს, კელი დეგნანს შეხვდა. შეხვედრაზე საუბარი შეეხო ორ ქვეყანას შორის სტრატეგიული პარტნიორობისა და თავდაცვის სფეროში თანამშრომლობის გ

მოვუწოდებთ ყველა პოლიტიკურ მოთამაშესა და მედიას, თავი შეიკავონ პიროვნებებზე, მათ შორის დიპლომატიური კორპუსის წარმომადგენლებზე თავდასხმისაგან - შვეიცარიის საელჩო

30 ივნისი, 2020 , 15:45

საქართველოში შვეიცარიის საელჩო საქართველოში საკონსტიტუციო ცვლილებების მიღებას ეხმაურება და აცხადებს, რომ ახალი საარჩევნო სისტემა გაზრდის საზოგადოების სხვადასხვა ფენის, მათ შორის უმცირესობების წარმომადგენლობას პარლამენტის

ელჩებზე თავდასხმა იმ სახელმწიფოების შეურაცხყოფაა, რომლებსაც ისინი წარმოადგენენ - საქართველოს საგარეო უწყება

30 ივნისი, 2020 , 12:10

საქართველოს საგარეო საქმეთა სამინისტრო საქართველოში ევროკავშირის მისიის მიერ გავრცელებულ ევროკავშირის განცხადებას ეხმაურება. უწყების განცხადებაში ნათქვამია, რომ კიდევ ერთხელ ადასტურებენ საქართველოსა და საგარეო საქმეთა სა

გიორგი გახარია - ახლა არც რეიტინგებისთვის მცალია, არც წინასაარჩევნო კამპანიისთვის, 24 საათი გვაქვს სამუშაო, რათა ხალხს კრიზისისგან მიყენებული ზიანი შევუმციროთ

29 ივნისი, 2020 , 18:00

მე ახლა არც რეიტინგებისთვის მცალია და ჯერ არც წინასაარჩევნო კამპანიებისთვის ან სიებისთვის, – ამის შესახებ საქართველოს პრემიერ-მინისტრმა, გიორგი გახარიამ ჟურნალისტებს განუცხადა. როგორც გიორგი გახარიამ აღნიშნა, დღეს

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე