უკან

უახლესი ამბები

დღის კალენდარი

ანონსები

არქივი

პოლიტიკა

7 აპრილი, 2019 00:22
font-size

ნატო ჩხეიძე კობა გვენეტაძეს: არა - თქვენ სიმართლეს არ ამბობთ

ეს კათედრა ნელ-ნელა ემსგავსება საბჭოური ყრილობის მსვლელობას, რადგან ისმის მხოლოდ თავმოწონება, ისმის მხოლოდ ნახევარი სიმართლე, ისმის სიცრუე და როდესაც სიცრუესაც ვეღარ ამბობენ, მაშინ კონფიდენციალობასაც ამოეფარებიან, - ამის შესახებ პარლამენტის დამოუკიდებელმა დეპუტატმა - ნატო ჩხეიძემ პლენარულ სხდომაზე, ეროვნული ბანკის პრეზიდენტის მოხსენების შემდეგ განაცხადა.

„ჩვენი მმართველი გუნდი დიდი სიამაყით აღნიშნავს, რომ ახალი რეგლამენტის პირობებში ჩვენი მთავრობის წევრები და მაღალი რანგის ჩინოვნიკები მობრძანდებიან პარლამენტის კედლებში. მაგრამ ნელ-ნელა, რაც უფრო მეტჯერ ხდება ეს მობრძანება, აშკარად ვხედათ, აი ეს კათედრა ნელ-ნელა ემსგავსება საბჭოური ყრილობის მსვლელობას, რადგან ისმის მხოლოდ თავმოწონება, ისმის მხოლოდ ნახევარი სიმართლე, ისმის სიცრუე და როდესაც სიცრუესაც ვეღარ ამბობენ, მაშინ კონფიდენციალობასაც ამოეფარებიან ხოლმე.

ჩვენი კოლეგა ბატონი აკაკი [აკაკი ზოიძე], რა კარგი სახელი გაქვთ ბატონო აკაკი და ზოგჯერ რანაირ აზრებს გვეუბნებით იმიტომ, რომ კვერი დაუკრათ მთავრობის წევრებს, რომ თქვენი ზეამოცანა ყოფილა რაღაც მოღვაწეობა. ასეთი მაღალფარდოვანი სიტყვებით გინდათ შებუროთ ის რეალობა, რა რელობაც აქვს საზოგადოებას და ხალხს.

და ხალხს რა რეალობა აქვს? იმის მაგივრად, თუნდაც უყურონ სერიალებს, თურქული იქნება თუ ინდური, ადამიანები უყურებენ კომიტეტის სხდომებს, სესიის მიმდინარეობას იმიტომ, რომ იქნება სესიიდან, კომიტეტიდან მოისმინონ რაღაც სასარგებლო მათთვის. და ეს სასარგებლო არის ერთადერთი მხოლოდ - სიმართლე; სიმართლე, რომელსაც ჩვენი მაღალი რანგის ჩინოვნიკები აქ არ ამბობენ.
ბატონო კობა, [კობა გვენეტაძე] როდესაც მე შეკითხვას ვსვამ, იმიტომ კი არა, ცნობისმოყვარეობა მკლავს, არამედ იმიტომ, რომ ადამიანები, რომლებიც უმუშევრად არიან დარჩენილები და არა მხოლოდ „ომეგა ჯგუფის“ თანამშრომლები არამედ სხვებიც, უყურებენ რომ რაიმე სიმართლე თქვათ აქედან თქვენ, მაგრამ არა - თქვენ სიმართლეს არ ამბობთ. სიმართლეს არ ამბობს თქვენი კოლეგა ფინანსთა მინისტრი, იუსტიციის მინისტრი და ა.შ. და მერე მოხდება ისე, თქვენი კოლეგა იუსტიციის მინისტრივით, სასამართლო პროცესს წააგებთ, ცხადია არა აქ, საერთაშორისო ასპარეზზე და მაშინ, თქვენი კონფიდენციალობა ნამდვილად ვეღარ გიშველით.

ჩემთვის გასაგებია, ძალიან ძნელია ბრძანოთ სიმართლე, ალბათ იმიტომ, შინაგანი ცენზორი გეუბნებათ, რომ ცხენი შეკაზმული უნდა გყავდეთ, ასეთი ვითარებაა ახლა ქვეყანაში, მაგრამ ვიცი უნაგირებიც გაქვთ, დეზებიც გაქვთ, მათრახიც გაქვთ და გამოაჩინეთ ის ცხენები, რადგან სამსახურში წასვლა-წამოსვლის დროს თვალი შეავლოთ იმ უნაგირს და იმ დეზებს, თვალი შეაჩვიოთ და მერე იქნებ მოგინდეთ კიდეც იმ ცხენის შეკაზმვა.

აი, ბევრი ცხენის თქარათქური კი ნამდვილად მოიყვანს ამ ქვეყანაში იმ უკეთესობას, რასაც ზეამოცანები, თუნდაც ინკლუზიური, ვერაფერს უშველის,“ - განაცხადა ნატო ჩხეიძემ.

საკვანძო სიტყვები:

მამუკა ხაზარაძე - არჩევნებამდე „ლელო“ მთავარი ოპოზიციური ძალა გახდება

23 ოქტომბერი, 2020 , 17:52

არჩევნებამდე „ლელო“ მთავარი ოპოზიციური ძალა გახდება, – ამის შესახებ „ლელოს“ ლიდერმა, მამუკა ხაზარაძემ ქუთაისში „ლელოს“ წევრების მხარდამჭერებთან შეხვედრის ღონისძიებაზე ვიდეომიმართ

სალომე სამადაშვილი თამარ ჟვანიას მიმართავს და მასთან საჯარო შეხვედრას მოითხოვს

23 ოქტომბერი, 2020 , 15:10

„ნაციონალური მოძრაობის“ წევრი სალომე სამადაშვილი ცესკო-ს თავმჯდომარეს, თამარ ჟვანიას მიმართავს და მასთან საჯარო შეხვედრას მოითხოვს. ამის შესახებ სამადაშვილმა დღეს გამართულ ბრიფინგზე განაცხადა. „საკუთარ

გინდოდათ ხალხის გაჭირვებაზე და შიშებზე ფული გეკეთებინათ, ჩვენ ყველაფერ ამას დავასრულებთ - მიხეილ სააკაშვილი

20 ოქტომბერი, 2020 , 17:40

„ნაციონალური მოძრაობა – ძალა ერთობაშიამ“ საჩხერის მოსახლეობას მაჟორიტარი დეპუტატობის კანდიდატი გიორგი კაპანაძე წარუდგინა. „ნაციონალური მოძრაობის“ ლიდერებთან ერთად, შეკრებილ მოქალაქეებს უკრაი

8 წელიწადი მოგვპარეს, 8 წელიწადი მოპარეს ჩვენს შვილებს, 8 წელიწადი მოპარეს საქართველოს - გრიგოლ ვაშაძე

20 ოქტომბერი, 2020 , 17:10

ქვეყანას კორუმპირებული ხელისუფლება მართავს, რომლის ჯიბეშიც ილექება თითქმის მთლიანად სახელმწიფო ბიუჯეტი. ამიის შესახებ „ნაციონალური მოძრაობის" ლიდერმა გრიგოლ ვაშაძემ, საჩხერეში „ნაციონალური მოძრაობა“ მაჟ

გახარიამ თავისი თავი ამოწურა, წერტილი - გიორგი ვაშაძე

19 ოქტომბერი, 2020 , 16:15

პრემიერ-მინისტრმა თავისი თავი ამოწურა, რადგან ქვეყანაში სრული უმოქმედობაა, ეკონომიკა სრულად ჩამოშლილია და საქართველოში კრიზისმენეჯმენტი არ არსებობს, - ამის შესახებ „სტრატეგია აღმაშენებლის“ ლიდერმა, გიორგი ვაშ

კორონავირუსის პირობებში არჩევნების ჩატარების წესს რამდენიმე მნიშვნელოვანი პრობლემა აქვს - ლევან თარხნიშვილი

19 ოქტომბერი, 2020 , 16:15

„ევროპული საქართველოს“ მაჟორიტარობის კანდიდატის გორსა და კასპში, ლევან თარხნიშვილის განცხადებით, კორონავირუსის პირობებში არჩევნების ჩატარების წესს რამდენიმე მნიშვნელოვანი პრობლემა აქვს. მისივე თქმით, ფორსმაჟო