უახლესი ამბები
- 24.04.2024 18:09Startup Grind - ის მორიგი ღონისძიება ბათუმში გაიმართება - მხარდამჭერი საქართველოს ბანკია
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
არქივი
პოლიტიკა
ნატო ჩხეიძე: ოპოზიცია ერთიანია, ახლა თავს არავინ არ მოიხერხავს რომ ორი დღით იქ პარლამენტში დარჩეს, თუ გინდათ ერთი თვით
გაერთიანებული ოპოზიციის მაჟორიტარი დეპუტატობის კანდიდატი, ნატო ჩხეიძე „მთავარი არხის“ გადაცემაში "დღის სტუმარი" გამოეხმაურა დავით მათიკაშვილის განცხადებას, რომ "ოცნება" პარლამენტში მარტო არ იქნება.
ნატო ჩხეიძე ამბობს, რომ მმართველმა პარტიამ პოლიტიკური მარცხის გადასაფარად, შესაძლოა ოპოზიციის გადაბირება სცადოს ან, თვითონ, "ქართული ოცნება" გაიყოს.
"ყველანაირად შეეცდებიან გადაფარონ თავიანთი საშინელი პოლიტიკური მარცხი, შესაძლოა ამისთვის ოპოზიციიდან რაღაცა სცადონ, თუმცა ამას ვერ მიაღწევენ, რადგან ოპოზიცია ერთიანია, ახლა თავს არავინ არ მოიხერხავს რომ ორი დღით იქ პარლამენტში დარჩეს, თუ გინდათ ერთი თვით. არ არის გამორიცხული ისიც, რომ მათ შიგნით შექმნან ოპოზიცია ან შესაძლოა გამოეყოს ვინმე მაგალითად ბატონი მათიკაშვილი და იყვნენ ორი.
"ქართული ოცნება" ახლა იქცევა როგორც პირველი თაობის ბოლშევიკი, არავინ არ უნდათ. ასე იქცეოდნენ პარლამენტშიც, ერთი სული ჰქონდათ როდის გავიდოდა ის ხუთი წუთი, როცა ოპოზიციიდან ვინმე საუბრობდა, ეს მენტალობა მათ უკვე ჰქონდათ .. ასეთ უკიდეგანო ძალადობას აუცილებლად მოყვება ის, რომ როგორც პარტია, ისინი აღიგვებიან და როგორც ადამიანები იცოცხლებენ, მაგრამ პატივისცემა მათი არავის არ ექნება, "- თქვა ნატო ჩხეიძემ.
ნატო ჩხეიძემ გადაცემაშივე, ივანე ბურდულს, ცესკოს ყოფილ თანამშრომელს, რომელმაც თანამდებობა დატოვა, მადლობა გადაუხადა და თქვა, რომ არ გამორიცხავს "ოცნებამ" ბურდულის მიმართ პოლიტიკური რეპრესიები წამოიწყოს, რადგან ცესკოს სხვა თანამშრომლებისთვის ივანე ბურდულის გადაწყვეტილბა არ იყოს მისაბაძი. ნატო ჩხეიძემ საქართველოს მოქალაქეებს მოუწოდა, ისევე დაიცვან ბურდული, როგორც თავიანთი ხმები.
"მე იმედი მაქვს, რომ ივანე ბურდულის მსგავსად მოიქცევიან ნელ-ნელა ცესკოს სხვა წევრებიც, რადგან იმ დანაშაულში ასე აშკარა ჩართვა, რაც ნელ-ნელა გამჟღავნდება და ეს არჩევნები ჩაითვლება გაყალბებულად, ცხადია ადამიანებს აღარ უნდათ მონაწილე იყვნენ ამ დანაშაულისა."- ამბობს ნატო ჩხეიძე.
შეგახსენებთ, რომ გაერთიანებულმა ოპოზიციამ გასულ დღეებში დააანონსა 8 ნოემბრის აქცია - ისინი მხარდამჭერებს 15:00 საათზე პარლამენტთან ელოდებიან.