პოლიტიკა

ნატო ჩხეიძე: პრემიერის გამოუცხადებლობა მივიჩნიე უპასუხისმგებლო დამოკიდებულებად

„პრემიერის გამოუცხადებლობა მივიჩნიე უპასუხისმგებლო დამოკიდებულებად არა მარტო პარლამენტის მიმართ, რაც ისედაც სჩვევია, არამედ უპასუხისმგებლიბად თავისივე ინიცირებული 1 თვიანი საგანგებო რეჟიმის მიმართ, და ასეც აღვნიშნე ჩემს გამოსვლაში,“ - ამის შესახებ პარლამენტის დამოუკიდებელი დეპუტატი ნატო ჩხეიძე სოციალურ ქსელში წერს.

“გუშინ ქვეყანაში საგანგებო ვითარების შემოღების გამო პრემიერის განცხადების შემდგომ პრეზიდენტის დეკრეტისა და პარლამენტის დადგენილების დასამტკიცებლად საგანგებო სესია გაიმართა.

სესია საღამოს 6 საათზე უნდა დაწყებულიყო.

2 საათით დაიგვიანა და 20:10 დაიწყო.

პრეზიდენტი მობრძანდა.

პრემიერი არ მობრძანდა,

საპარლამენტო მდივანი გამოგზავნა.

პრემიერის გამოუცხადებლობა მივიჩნიე უპასუხისმგებლო დამოკიდებულებად არა მარტო პარლამენტის მიმართ, რაც ისედაც სჩვევია, არამედ უპასუხისმგებლიბად თავისივე ინიცირებული 1 თვიანი საგანგებო რეჟიმის მიმართ, და ასეც აღვნიშნე ჩემს გამოსვლაში:

“ მიჩნდება განცდა, რომ პრემიერი პასუხისმგებლობას არ იღებს იმ ვითარებაზე, რაც პარლამენტმა დღეს უნდა მიიღოს”- მეთქი.

კენჭისყრისას რეგისტრაცია 120 - მა დეპუტატმა გაიარა, 116 იყო მომხრე, 4- მა თავი შეიკავა.

იმ ოთხიდან ერთი მე ვიყავი.

პ.ს. თავი შევიკავე, მით უფრო, რომ ჩემი ხმა არ ცვლიდა გადაწყვეტილებას. სხვა შემთხვევაში კომორიმისზეც წავიდოდი...“ - დაწერა ნატო ჩხეიძემ.