პოლიტიკა

ნატო ჩხეიძე: სერიიდან - ნეტარ არიან მორწმუნენი!!!

საქართველოს პარლამენტის დამოუკიდებელი დეპუტატი ნატო ჩხეიძე სოციალურ ქსელში სტატუსს აქვეყნებს „სერიიდან: ნეტარ არიან მორწმუნენი!!!“

„ჩვენო, მეტ ინფორმაციას მივაწოდებთ ინდივიდუალურადო და ასე ავამაღლებთ მათ ცნობიერებასო.

“ჩვენ “ - ქართველი დეპუტატები არიან მმართველი პარტიიდან;

“მათ”- ამერიკელი კონგრესმენები.

მაშ ასე, ჩვენ ვაპირებთ ( და კიდეც შევძლებთ) მათი ცნობიერების ამაღლებას.

და როგორ ვახერხებთ ამას?

- სულ მარტივად,- ინდივიდუალურად ინფორმაციის მიწოდებით.

და რა ინფორმაციას ვაწოდებთ ?

- რას და, ” სწორ” ინფორმაციას.

და ვის ვაწოდებთ?

- იმას , ვინც წერილი გამოგზავნა აშშ კონგრესიდან.

და ვინ აწოდებს ამერიკელ კონგრესმენებს ამ “ სწორ” ინფორმაციას?

- ვინ და გურამ მაჭარაშვილი და კიდევ ძმანი და დანი მისნი.

და კიდეც მოაწევს ის დრო, როცა “ამაღლდება” კონგრესმენთა ცნობიერება, სულ სხვა შინაარსის წერილებს გამოგზავნიან და აი, მაშინ კი პრემიერიც სულ აღარ დაიწუნებს ურთიერთობის ასეთ ფორმას:)

ნეტარ არიან მორწმუნენი, ნეტარ არიან!!!“ - დაწერა ნატო ჩხეიძემ.

ცნობისთვის - კონსულტაციების საფუძველზე დარწმუნებული ვართ, შევძლებთ მათი ცნობიერების ამაღლებას, - ასე ეხმიანება საპროცედურო საკითხთა კომიტეტის თავმჯდომარე გურამ მაჭარაშვილი კონგრესმენების განცხადებებს.

მისივე თქმით, აშშ- ის სახელმწიფო დეპარტამენტი რაიმე პრობლემას ვერ ხედავს, რაც შეეხება ცალკეულ კონგრესმენებს, მათ ინდივიდუალურად მიაწოდებენ მეტ ინფორმაციას.