უკან

უახლესი ამბები

დღის კალენდარი

ანონსები

არქივი

სამართალი

18 მაისი, 2017 11:10
font-size

ნატო ჩხეიძემ 2004 წელს „იბერიასა“ და „ომეგა ჯგუფის“ გარშემო განვითარებული მოვლენების ხელმძღვანელად სააკაშვილი დაასახელა

თბილისის საქალაქო სასამართლოში ტელეკომპანია „იბერიას“ დახურვისა და ლიცენზიის იძულებით წაღების საქმეზე მორიგი სასამართლო სხდომა გაიმართა. სასამართლოს ჩვენება ბრალდების მოწმემ, დეპუტატმა ნატო ჩხეიძემ მისცა.

მან 2004 წლის მოვლენების მნიშნელოვანი, კერძოდ, ის დეტალები გაიხსენა, თუ როგორ ითხოვდნენ მისი მეუღლისგან, „ომეგა ჯგუფის“ დამფუძნებელ ზაზა ოქუაშვილისგან მაშინდელი ხელისუფლება და პროკურატურა, შუამავალი ბიზნესმენების საშუალებით, „ომეგა ჯგუფის“ საკონტროლო პაკეტსა და მეტს. ასევე, ტელეკომპანია „იბერიას“ ლიცენზიას. ყველაფერ ამის სანაცვლოდ კი სპეცრაზმი „ომეგა ჯგუფის“ კომპანიებს დატოვებდა და მათ ამუშავების საშუალება მიეცემოდა.

მოწმის თქმით, ზაზა ოქუაშვილი ბიზნეს-წილების გადაცემას არ დასთანხმდა და ქვეყნიდან გავიდა, რასაც სპეცრაზმელების მიერ „ომეგა ჯგუფის“ საწარმოებისა და ოფისების დარბევა-გაძარცვა მიჰყვა.

„ომეგა ჯგუფში“ შემავალი საწარმოები უკანონოდ დაკისრებული საგადასახადო ვალდებულების აღიარებისა და ტელეკომპანია „იბერიას“ ლიცენზიის იძულებითი დათმობის შემდეგ ამუშავდა. ამ დროს სპეცრაზმის შეჭრიდან თითქმის ერთი წელი იყო გასული.

ნატო ჩხეიძემ სასამართლოზე აღნიშნა, რომ 2004 წელს, ტელეკომპანია „იბერიის“ ლიცენზიის იძულებით წაღებას და „ომეგა ჯგუფში“ შემავალ კომპანიებში სპეცრაზმის შეჭრას მიხეილ სააკაშვილი ხელმძღვანელობდა.

„იმით, რაც „ომეგა ჯგუფსა“ და „იბერიაში“ მოხდა, პრაქტიკულად, ტელევიზიებზე ძალადობა დაიწყო,“ - აღნიშნა ჟურნალისტებთან საუბრისას ნატო ჩხეიძემ. მისივე თქმით, მაშინ ყველაზე გავლენიანი ის იყო, ვინც მიცემულ დავალებას კარგად ასრულებდა და როგორც კი დავალებას ვერ შეასრულებდა, აღარც გავლენიანი იყო და, შესაბამისად, აღარც - სანდო.

ამასთან, როგორც პროკურორმა ემზარ გაგნიძემ ჟურნალისტებს განუცხადა, დღევანდელ სასამართლო პროცესზე მოწმემ იმის შესახებ ისაუბრა, თუ რა ვითარებაში ხდებოდა უმაღლესი თანამდებობის პირების მხრიდან ზეწოლა და ფსიქოლოგიური იძულება, რათა „ომეგა ჯგუფის“ საკონტროლო პაკეტი ხელში ჩაეგდოთ.

ტელეკომპანია „იბერიას“ დახურვისა და ლიცენზიის იძლებით ჩამორთმევის საქმე მთავარმა პროკურატურამ 2016 წელს გახსნა და ერთ წელზე მეტია, საქმის განხილვა თბილისის საქალაქო სასამართლოში მიმდინარეობს. საქმეში ბრალდებულები არიან მაშინდელი გენერალური პროკურორი ზურაბ ადეიშვილი და მისი პირველი მოადგილე გიორგი ლაცაბიძე. ამასთან, საქმეში მიხეილ სააკაშვილიც ფიგურირებს, რომელიც პროცესებს ხელმძღვანელობდა.

შეგახსენებთ: ტელეკომპანია „იბერიასა“ და „ომეგა ჯგუფის“ სხვა კომპანიებში სპეცრაზმი 2004 წლის 19 თებერვალს შეიჭრა.

“მე პოლიტიკური პატიმარი ვარ“ - თელავის საკრებულოს წევრს აღკვეთის ღონისძიებად პატიმრობა შეეფარდა

11 ივლისი, 2020 , 15:38

თელავის რაიონულმა სასამართლომ ოჯახში ძალადობის ბრალდებით დაკავებულ თელავის მუნიციპალიტეტის საკრებულოს დეპუტატს, მიხეილ გრემელაშვილს აღკვეთის ღონისძიებად პატიმრობა შეუფარდა. დღევანდელ სხდომაზე მოსამართლე თამარ კაპანაძემ ა

ნიკა გვარამია დღეს მაგისტრი მოსამართლის თანდასწრებით გამოიკითხება

11 ივლისი, 2020 , 15:10

მთავარი არხის" გენერალური დირექტორი ნიკა გვარამია სასამართლოში დაიბარეს, სადაც მაგისტრი მოსამართლის თანდასწრებით გამოიკითხება. მიზეზი გიორგი შაქარაშვილის საქმეზე "მთავარის" მიერ მომზადებული ჟურნალისტური გამოძიების სერიაა

გიორგი შაქარაშვილის ბიძის განცხადებით, ოჯახის პოზიციაა, „ტოიოტა ქამრის“ მგზავრები, 6-ვე მათგანი ბრალდებული იყოს 109-ე მუხლით

10 ივლისი, 2020 , 17:40

ფეხბურთელ გიორგი შაქარაშვილის ბიძის მირიან ნიკოლაძის განცხადებით, ოჯახის პოზიციაა, „ტოიოტა ქამრის“ მგზავრები, რომლებიც გიორგი შაქარაშვილს გამოედევნენ და დადგა ეს შედეგი, ბრალდებულები იყვნენ სისხლის სამართლის

მირიან ნიკოლაძე - გიორგი შაქარაშვილს მიაყენეს ფიზიკური დაზიანებები და შემდგომ გადააგდეს წყალში

10 ივლისი, 2020 , 17:36

გიორგი შაქარაშვილის ბიძის, მირიან ნიკოლაძის განცხადებით, გიორგი შაქარაშვილის მიმართ ადგილი ჰქონდა ძალადობას, რის შემდეგაც იგი გადააგდეს მდინარეში. როგორც მირიან ნიკოლაძემ პრესკონფერენციაზე განაცხადა, ამ ეტაპზე თავს იკავე

ნიკა გვარამია საგამოძიებო ორგანოში დაიბარეს

10 ივლისი, 2020 , 16:15

ტელეკომპანია "მთავარი არხის" დირექტორი ნიკა გვარამია საგამოძიებო უწყებაში გამოკითხვაზე დაიბარეს. ამის შესახებ გვარამია Facebookის საკუთარ გვერდზე წერს. „კრიმინალურმა პოლიციამ გამოკითხვაზე დამიბარა“, - წერს ნი

ასფიქსია წყალში დახრჩობით - გიორგი შაქარაშვილის გარდაცვალების მიზეზი გასაჯაროვდა

10 ივლისი, 2020 , 13:40

გიორგი შაქარაშვილის სიკვდილის მიზეზია ასფიქსია წყალში დახრჩობით, -აღნიშნულის შესახებ ინფორმაციას საქართველოს გენერალური პროკურატურა ავრცელებს.  ,,მაღალი საჯარო ინტერესის გათვალისწინებით, გვსურს საზოგადოებას მივაწოდო

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე