უახლესი ამბები
- 17.04.2024 15:51სხვადასხვა ოლიგარქებზე გაფორმებული მთელი რუსული შავი სალარო შესაძლოა ვიხილოთ საქართველოში - გია ხუხაშვილი `ოცნების` ახალ კანონპროექტზე
- 17.04.2024 15:40პარლამენტმა, პირველი მოსმენით, 82 ხმით მხარი დაუჭირა “საგადასახადო კოდექსში“ ცვლილებებს
- 17.04.2024 14:54ამ პირობებში პარლამენტში ყოფნას ჩემთვის არც პოლიტიკური აზრი და არც მორალური გამართლება გააჩნია - გრიგოლ ვაშაძე
- 17.04.2024 13:38თბილისში ავარიული საცხოვრებელი კორპუსები კიდევ ორ მისამართზე ჩანაცვლდება
- 17.04.2024 13:30`საქართველოსთვის` დეპუტატებმა პროტესტის ნიშნად სხდომათა დარბაზი დატოვეს
- 17.04.2024 12:54გთავაზობთ საერთო სიის გზით სიარულს ნეიტრალურ პლატფორმაზე, არა რომელიმე პარტიის ქვეშ, არამედ ნეიტრალურ პარტიაზე - მიხეილ სააკაშვილი
- 17.04.2024 12:28ეს არის ტყუილი, რასაც ხელისუფლების წარმომადგენლები და მომხრეები ამბობენ - გოჩა მირცხულავა
- 17.04.2024 12:21საკუთარი ქვეყნის ხელისუფლებას უჩივის სხვა ქვეყნის ხელისუფლებაში -პაპუაშვილი პრეზიდენტზე
- 17.04.2024 12:14პირდაპირ ჩემ სახეზე გაატარეთ აწი ევროპა - აქციაზე დაშავებული ლევან ბუდაღაშვილი
არქივი
საზოგადოება
ნატო ჩხეიძემ განათლების მინისტრს ისტორიის ინსტიტუტის პრობლემებით დაინტერესებისა და მოგვარებისკენ მოუწოდა
ფრაქციის - „საქართველოს პატრიოტები“ თავმჯდომარის მოადგილემ, ნატო ჩხეიძემ პარლამენტის პლენარულ სხდომაზე კოლეგებს საქართველოს მოქალაქეების ერთი ჯგუფის, კერძოდ, ისტორიის ინსტიტუტის თანამშრომელთა გულისტკივილი გააცნო და აღნიშნა, რომ ამ ინსტიტუტში დაცული ისტორიული ექსპონატები ყოვლად შეუფერებელ პირობებშია.
„ისტორიის ინსტიტუტის მელიქიშვილის ქუჩაზე მდებარე, დაცულ ძეგლთა ნუსხაში არსებულ შენობას წინა ხელისუფლების დროს მოუხსნეს ეს სტატუსი, მიჰყიდეს სამშენებლო კომპანია „M კვადრატს“, რომელიც „საქართველოს ბანკის“ შვილობილი კომპანიაა და რომელიც, ალბათ, რაღაც ბევრად უკეთესის აშენებას გეგმავდა. ისტორიის ინსტიტუტი კი გადაიყვანეს უნივერსიტეტის ბიბლიოთეკის ქვემოთ არსებულ სივრეცეში და დღესაც ექსპონატები - ისტორიის ინსტიტუტის თანამშრომელთა მიერ წლების განმავლობაში მოპოვებული უნიკალური მასალა ყუთებში ჩაწყობილი აწყვია დერეფნებში. მივლინების, ექსპედიციის და კონფერენციების დაფინანსება რომ შემცირებული აქვთ, ეს კიდევ ცალკე თემაა,“ - აღნიშნა ნატო ჩხეიძემ და იმედი გამოთქვა, რომ განათლების მინისტრი ამ პრობლემას სასწრაფოდ მიხედავს.
„იმედი მაქვს, ბატონი განათლების მინისტრი, რომელიც ალბათ, გარკვეული დამსახურებების გამო ვიცე-პრემიერის რანგში აიყვანეს, შესაბამისად, თვალსაწიერიც გაუფართოვდება და ბერკეტებიც, სახელმწიფო მოხელის ბერკეტებს ვგულუსხმობ, სასწრაფოდ მიხედავს ამ პრობლემას, ანუ ჩვენი უნიკალური ექსპონატების დაბინავებას შესაფერის ადგილზე,“ - აღნიშნა ნატო ჩხეიძემ.
დეპუტატი პლენარულ სხდომაზევე კიდევ ერთ მნიშვენლოვან საკითხს შეეხო. კერძოდ, ჩხეიძის თქმით, უნივერსიტეტის ჰუმანიტარული ფაკულტეტის მეცნიერები წლებია, უშედეგოდ ითხოვენ ქართული ენის, როგორც სასწავლო საგნის სწავლების აღდგენას მათ ფაკულტეტზე, რომელიც აგრეთვე, წინა ხელისუფლების დროს გაუქმდა.
„მოგეხსენებათ, რომ ქართული ენის სწავლების გაუქმება ნიშნავს ქართული ენის სახელმწიფოებრივი მნიშვნელობის დაკნინებას. მივმართავ ბატონ განათლების მინისტრს და სხვა მინისტრებიც თუ მოისმენენ, ურიგი არ იქნება, რომ 1978 წლის 14 აპრილის სახალხო მღელვარება სხვა არაფერი იყო, თუ არა ხალხის პასუხი ქართული ენის სახელმწიფოებრივი მნიშვნელობის დაკნინების მცდელობაზე. 14 აპრილი ერთ-ერთი გმირული დღეა საქართველოს უახლეს ისტორიაში და დიდი იმედი მაქვს, რომ დღევანდელი მინისტრთა კაბინეტი ხელს არ შეუწყობს ახალი გმირული დღისათვის შესაბამისი პირობებისა თუ ვითარების შექმნას,“ - აღნიშნა პარლამენტის პლენარულ სხდომაზე ნატო ჩხეიძემ.