საზოგადოება
ნაციონალური მოძრაობა არის საბჭოთა კავშირის მეტასტაზა, რომელიც რაღაც პერიოდის განმავლობაში უნდა ამოიკვეთოს - გოგა ხაინდრავა
კინორეჟისორ გოგა ხაინდრავას განცხადებით, დამაფიქრებელია, რომ საქართველოში რჩებიან ადამიანები, რომლებიც ხმას აძლევენ ძალადობას და ფაშიზმს.
ამის შესახებ გოგა ხაინდრავამ 8 ოქტომბრის არჩევნებზე ნაციონალური მოძრაობის შედეგებზე საუბრისას განაცხადა.
„დასაფიქრებელია, რომ საქართველოში რჩება 400 000 ადამიანი, რომელიც ხმას აძლევს ძალადობასა და ფაშიზმს. ნაციონალური მოძრაობა არის საბჭოთა კავშირის გადმონაშთი. საბჭოთა კავშირის დროს კი, საქართველო დანარჩენ ქვეყნებს შორის, რომელიც იმ კავშირში შედიოდნენ, ყველაზე მეტად იყო დაზარალებული ამ რეჟიმისგან, თუმცა, საქართველოში, პროცენტულად ყველაზე მეტი კომუნისტი ცხოვრობდა. ადამიანები, ვისაც ბოლშევიკები მამებს უხვრეტდნენ, კომუნისტურ პარტიაში შედიოდნენ, ეს არის თვითგადარჩენის ინსტიქტი. ასე უცებ სარკომისგან განკურნება არ ხდება და ნაციონალური მოძრაობა სარკომა იყო”, - განაცხადა გოგა ხაინდრავამ დღეს გამართულ პრესკონფერენციაზე.
მარი ნამგალაძე