უკან

უახლესი ამბები

დღის კალენდარი

ანონსები

არქივი

პოლიტიკა

20 სექტემბერი, 2018 15:45
font-size

„ნაციონალური მოძრაობა“ საპრეზიდენტო არჩევნებში ძალიან მწარედ და მძიმედ დამარცხდება - ირაკლი კობახიძე

პარლამენტის თავმჯდომარის ირაკლი კობახიძის პროგნოზით, „ნაციონალური მოძრაობა“ საპრეზიდენტო არჩევნებში ძალიან მწარედ და მძიმედ დამარცხდება.

კობახიძემ „ნაციონალური მოძრაობა“ მხარდამჭერთა სიის გაყალბებაში დაადანაშაულა.

„ვხედავთ, რომ „ნაციონალური მოძრაობა“ სტილს არ და ვერც ცვლის. ეს მათი სტილია. 2012 წლამდე და 2012 წლის ჩათვლით არჩევნებს აყალბებდნენ. ახლა უკვე გადასული არიან საარჩევნო სიების გაყალბებაზე. თავისი სატელიტების სახელით გაყალბებული სიები წარადგინეს, რაც ორ რამეზე მიუთითებს. ერთი ისაა, რომ გაყალბება „ნაციონალური მოძრაობის“ სტილი და ხელწერაა და მეორე ის, რომ „ნაციონალურ მოძრაობას“ გაყალბების გარეშე 30 ათასი ხელმოწერის შეგროვება უჭირს. ეს ყველაფერი აჩვენებს იმას, რომ „ნაციონალური მოძრაობა“ საპრეზიდენტო არჩევნებში ძალიან მწარედ და მძიმედ დამარცხდება და მას გაუჭირდება ალბათ იმ შედეგის გამეორებაც, რაც წინა არჩევნებში დადო. ეს იყო 17 %-იანი შედეგი.

„ნაციონალური მოძრაობა“ ამ არჩევნებში ძალიან მძიმე მარცხს იწვნევს და ამაზე პასუხისმგებელი ჩვენ ვართ. შეგვიძლია, ეს დაპირება საზოგადოებას მივცეთ. ის, რომ პრემიერ-მინისტრის ხელმოწერაა გამოყენებული, უპასუხისმგებლობის ხარისხსა და მათ სტილზე მეტყველებს. ამას 2003-2004 წლიდან მიჩვეული ვართ, შესაბამისად, მოლოდინი არ გვქონდა იმასთან დაკავშირებით, რომ „ნაციონალური მოძრაობა“ თავის სტილს შეიცვლიდა. უწყებათაშორის კომისიას მივმართეთ და მათგან მკაცრ რეაგირებას ველოდებით“,- განაცხადა კობახიძემ.

ცესკო-ს ინფორმაციით, გაერთიანება „მოძრაობა სახელმწიფო ხალხისთვის“ მიერ წარდგენილი პრეზიდენტობის კანდიდატის მხარდამჭერთა სიაში პრემიერ-მინისტრ მამუკა ბახტაძის მონაცემები და ხელმოწერა დაფიქსირდა. თუმცა, ცესკო-ს ცნობით, მხარდამჭერთა ბლანკზე არსებული ხელმოწერა სრულიად განსხვავდება მამუკა ბახტაძის საჯაროდ ცნობილი ხელმოწერისგან.

ამასთან, ნიკა მაჭუტაძის პარტიის მიერ მამუკა ბახტაძის ხელმოწერის შესაძლო გაყალბების ფაქტზე პროკურატურამ გამოძიება დაიწყო.

აფრთხობენ ამომრჩეველს, უნერგავენ აზრს, რომ ჩვენ დესტაბილიზაციას ვგეგმავთ - რომან გოცირიძე

19 ოქტომბერი, 2018 , 17:40

„ნაციონალური მოძრაობის“ ერთ-ერთი ლიდერის, რომან გოცირიძის განცხადებით, ხელისუფლება ამომრჩეველს აფრთხობს და უნერგავს აზრს, რომ „ნაციონალური მოძრაობა“ დესტაბილიზაციას გეგმავს. მისი თქმით, პარტია როც

საქართველო არ არის ბიზნეს კორპორაცია, საქართველო არ არის ბიზნეს ობშორა - შალვა ნათელაშვილი

19 ოქტომბერი, 2018 , 17:10

"ლეიბორისტული" პარტიის ლიდერი და პრეზიდენტობის კანდიდატი შალვა ნათელაშვილი დიპლომატიური კორპუსის წარმომადგენლებს შეხვდა. ნათელაშვილმა დიპლომატებს არსებული საარჩევნო გარემო გააცნო. პრეზიდენტობის კანდიდატმა შეხვედრაზე არჩე

ნუ გვაბოლებთ - შვილმოკლული მამების აქცია პროკურატურასთან

19 ოქტომბერი, 2018 , 17:10

„ნუ გვაბოლებთ“, - ამ შინაარსის აქცია-პერფორმანსს შვილმოკლული მამები მთავარ პროკურატურასთან მართავენ. მათი თქმით, ხელისუფლება ხორავას ქუჩაზე მომხდარი მკვლელობისა და პანკისში ჩატარებული სპეცოპერაციის შედეგად მო

მარჯანიშვილზე, ქუჩაში ვნახე, რომ ბევრი კარავია გაშლილი, უცხოელებს თუ აქვთ კარვის გაშლის უფლება, ჩვენ არ გვაქვს?! - ზაზა სარალიძე

19 ოქტომბერი, 2018 , 16:30

თბილისში, ხორავას ქუჩაზე მოკლული დავით სარალიძის მამა, ზაზა სარალიძე დღეს საღამოს პარლამენტის შენობის წინ კარვის გაშლას აპირებს. ამის შესახებ სარალიძემ ჟურნალისტებს მთავარ პროკურატურასთან განუცხადა, სადაც აქცია-პერფომანს

არცერთი ის წევრი, რომელიც აქამდე გვერდით დაუყენებია უგულავას, „ქართული ოცნების“ მოქმედი წევრი არაა - მამუკა მდინარაძე

19 ოქტომბერი, 2018 , 16:30

საპარლამენტო ფრაქცია „ქართული ოცნების“ თავმჯდომარემ, მამუკა მდინარაძემ უარყო „ევროპული საქართველოს“ ერთ-ერთი ლიდერის, გიგი უგულავას განცხადება, რომ „ქართული ოცნებიდან“ „ევროპულ ს

იუსტიციის უმაღლესი საბჭოს წევრის გასაუბრებაზე აცილების არსებული მოდელი არაკონსტიტუციურია - საია

19 ოქტომბერი, 2018 , 15:55

„საქართველოს ახალგაზრდა იურისტთა ასოციაცია“ იუსტიციის უმაღლესი საბჭოს წევრის გასაუბრებაზე აცილების არსებულ მოდელს არაკონსტიტუციურად მიიჩნევს. საია-ს აზრით, კონსტიტუციის 29-ე მუხლის მე-2 პუნქტით გარანტირებული

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`