უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
არქივი
კომენტარი
„ნაციონალური მოძრაობა“ ცესკო-ს მიერ ხელმოწერილ შემაჯამებელ ოქმებს სასამართლოში გაასაჩივრებს
„ნაციონალური მოძრაობა“ ცენტრალური საარჩევნო კომისიის მიერ, გუშინ ხელმოწერილ, ადგილობრივი თვითმმართველობის არჩევნების თბილისის შემაჯამებელ ოქმებს სასამართლოში გაასაჩივრებს.
ამის შესახებ ბრიფინგზე პარტიის ერთ-ერთმა ლიდერმა ზაზა ბიბილაშვილმა განაცხადა.
მისი თქმით, აღნიშნული ოქმები ამომრჩევლის ნებას არ ასახავს, ვინაიდან ეს არჩევნები არ იყო თავისუფალი და სამართლიანი.
„არჩევნების დღეს მასიური ხასიათი ქონდა ისეთ დარღვვებს, რომლებმაც არსებითი გავლენა იქონია არჩევნების შედეგებზე.
მასიური ხასიათი ქონდა ამომრჩევლის ნების კონტროლს, რაც არის „ქართული ოცნების“ „ნოუჰაუ“, უპრეცედენტო მასშტაბით იყო ადმინისტრაციული რესურის გამოყენება, გრძელდებოდა კარუსელების პრაქტიკა, იყო მოსყიდვა, იყო დაშინება, ოქმების შეცვლა და არა ერთ ისეთი ფაქტი, რომელიც გვაფიქრებინებს, რომ ეს არჩევნები იყო სპეცოპერაცია.
შესაბამისად ჩვენ ვაცხადებთ, რომ დღეს კანონით დადგენილ ვადაში, ჩვენ ვასაჩიბვრებთ ცესკო-ს მიერ გუშინ ხელმოწერილ შემაჯამებელ ოქმებს და მოვითხოვთ სასამართლოში ამ ოქმების ბათილობას.
ამასთანავე, ჩვენი ინფორმაციით, პრაქტიკულად ყველა სხვა დანარჩენი ოპოზიციური პარტია იზიარებს ამ შეფასებას, იზიარებს იმას,რომ წიასაარჩევნო გარემო არ იყო თავისუფალი და კონკურენტული, არჩევნების დღე კი ხასიათდებოდა მასიური და ფუნდამენტური დარღვევბით. ჩვენ ამ პარტიებთან მუდმივ კომუნიკაციაში ვიმყოფებით, ვთანამშრომლობთ მათთან და გავაგრძელებთ აქტიურ თანამშრომლობას“,-აღნიშნა ბიბილაშვილმა.
მონიკა დავლიანიძე