უკან

უახლესი ამბები

დღის კალენდარი

ანონსები

არქივი

პოლიტიკა

22 დეკემბერი, 2018 15:35
font-size

„ნაციონალური მოძრაობის“ ბოიკოტი მხოლოდ საბაბია, რათა სხდომა გააცდინონ და ხელფასი არ დაექვითოთ - თამარ ჩუგოშვილი

პარლამენტის პირველი ვიცე-სპიკერი, თამარ ჩუგოშვილი გამოეხმაურა ფრაქცია „ნაციონალური მოძრაობიდან“ ბიუროს დღევანდელ სხდომაზე შესულ მიმართვას, რომლის თანახმად, ფრაქცია პარლამენტის რიგგარეშე სხდომებზე დასწრებას არ აპირებს.

ჩუგოშვილის შეფასებით, „ნაციონალური მოძრაობის“ მიერ გამოცხადებული ბოიკოტი საბაბია, რათა სხდომა გააცდინონ და ხელფასი არ დაექვითოთ.

ჩუგოშვილის განცხადებით, ახალი რეგლამენტის ამოქმედებასთან ერთად, სხდომებზე დეპუტატების დასწრების მაჩვენებელი საგრძნობლად გაუმჯობესდა.

„„ნაციონალურ მოძრაობაში” საბაბს ეძებენ, სხდომებს არ დაესწრონ. ე.წ. ბოიკოტი, მხოლოდ საბაბია, რათა სხდომა გააცდინონ და ხელფასი არ დაექვითოთ. ეს უბრალოდ საბაბია და რეგლამენტის იმ ნორმის ასე გამოყენება სწორი არ არის, რომლითაც პოლიტიკური შეხედულების გამო შესაძლებელია პარლამენტის წევრმა, ან ფრაქციამ სხდომა გააცდინოს. ეს ასეც უნდა იყოს და კანონში უნდა ეწეროს, ეს ხვრელი არ არის, რადგან პოლიტიკური ორგანოა და პარლამენტის წევრს უნდა შეეძლოს, პროტესტის ნიშნად მუშაობაში მონაწილეობა არ მიიღოს და ამის გამო არ უნდა დაისაჯოს, მაგრამ რასთანაც გვაქვს საქმე? – ეს არის არა პოლიტიკური ბოიკოტი, არამედ საბაბი, რომ ამ მუხლით თავიდან აიცილონ ხელფასის დაქვითვა, რაც ჩემი აზრით, ბოროტად გამოყენებაა კანონში არსებული სწორი ჩანაწერების“, - განაცხადა საპარლამენტო უმრავლესობის წევრმა.

ჩუგოშვილის თქმით, ახალი რეგლამენტით პარლამენტის ყველა წევრს ვალდებულება აქვს, სხდომებში მონაწილეობა მიიღოს და პროცესებში იყოს აქტიურად ჩართული.

„ის, რომ ოპოზიციონერი დეპუტატები კომიტეტებს ტოვებენ, გამოწვეულია იმით, რომ გამკაცრებულია როგორც დასწრებისა და გაცდენის სანქციები, ასევე კომიტეტის წევრებისთვის გაჩენილია ახალი ვალდებულებები მუშაობის კუთხით. სწორედ ამით არის გამოწვეული, რომ პარლამენტის წევრებმა დაიწყეს კომიტეტების დატოვება. როგორც ჩანს, საქმესა და კომიტეტებში დასწრებას გაურბიან. ზუსტად არ ვიცი, რომელი წევრი რომელი კომიტეტიდან გადის, მაგრამ ერთადერთი, რასაც ეს რეგლამენტი ცვლის, ის არის, რომ წევრები უნდა ჩაერთონ რეალურ მუშაობაში”, – განაცხადა ჩუგოშვილმა.

ოპოზიციური პარტიები სხვადასხვა ქვეყნის მთავრობებს და საერთაშორისო ორგანიზაციებს მიმართავენ

3 აპრილი, 2020 , 12:20

ოპოზიციური პარტიები ავრცელებენ მიმართვას, რომლის ადრესატებიც აშშ-ს მთავრობა, დიდი ბრიტანეთის მთავრობა, კანადის მთავრობა, ნორვეგიის მთავრობა, შვეიცარიის მთავრობა, ევროკავშირი, მსოფლიო ბანკი, სავალუტო ფონდი, ევროპის განვით

საარჩევნო კოდექსის ცვლილებაზე კანონპროექტის პარლამენტში ინიცირება უახლოეს მომავალში მოხდება - ირაკლი კობახიძე

2 აპრილი, 2020 , 19:24

საარჩევნო კოდექსის ცვლილებაზე კანონპროექტის პარლამენტში ინიცირება უახლოეს მომავალში მოხდება. აღნიშნულ საკითხთან დაკავშირებით საბოლოო კონსულტაციები დისტანციურ რეჟიმში გაიმართა, - ამის შესახებ საპარლამენტო უმრავლესობის წევ

არ გვაქვს უფლება, გამოვიდეთ და ზოგიერთი უპასუხისმგებლო პოლიტიკოსივით რაღაც დაპირებები გავცეთ - გიორგი გახარია

2 აპრილი, 2020 , 12:15

არ გვაქვს უფლება, გამოვიდეთ და ზოგიერთი უპასუხისმგებლო პოლიტიკოსებივით რაღაც დაპირებები გავცეთ. ჩვენი პასუხისმგებლობა ცოტა სხვა არის, ჩვენი პასუხისმგებლობა ნიშნავს იმას, რომ თითოეული ნათქვამი სიტყვა უნდა შესრულდეს და ასე

ჩვენ დღეს თავისუფალ ქვეყანაში ვცხოვრობთ და ევროპულ სახელმწიფოს ვაშენებთ. ამაში ზვიად გამსახურდიას დიდი წვლილი მიუძღვის - გიორგი გახარია

31 მარტი, 2020 , 20:42

ჩვენ დღეს თავისუფალ და დამოუკიდებელ ქვეყანაში ვცხოვრობთ და ევროპულ სახელმწიფოს ვაშენებთ, რაშიც ზვიად გამსახურდიას დიდი წვლილი მიუძღვის, – ამის შესახებ საქართველოს პრემიერ-მინისტრი სოციალურ ქსელში წერს. „დღეს

სახლში დარჩენის გარდა, რას სთავაზობს ხელისუფლება ხალხს?! - ნინო ბურჯანაძე

31 მარტი, 2020 , 12:50

„რაც არ უნდა მძიმე იყოს ჩვენი მდგომარეობა, ჩვენ აუცილებლად გვჭირდება სტრატეგიული ანტიკრიზისული გეგმა. იმ ადამიანს, რომელსაც ეუბნები, რომ კარანტინის დროს სახლში უნდა დარჩეს, მან აუცილებლად უნდა იცოდეს ორი დღის შემდე

არც კარანტინია გამორიცხული და არაფერი - გია ვოლსკი

30 მარტი, 2020 , 16:50

თუ საგანგებო მდგომარეობა გამკაცრდება, ან საკარანტინო რეჟიმი გამოცხადდება, ეს იქნება დამყარებული არა რომელიმე პოლიტიკოსის გადაწყვეტილებაზე, ან პოპულისტურ ქმედებებზე, რაც ბოლო პერიოდში ჩვენს ოპონენტებს დასჩემდათ, არამედ ჩა