უკან
პოლიტიკა
29 იანვარი, 2019 10:46
„ნაციონალური მოძრაობის“ წარმომადგენლები თემირლან მაჩალიკაშვილის საქმეზე პარლამენტის დროებითი საგამოძიებო კომისიის შექმნას ითხოვენ
თემირლან მაჩალიკაშვილის საქმის გამოძიების და პარლამენტის დროებითი საგამოძიებო კომისიის შექმნის თხოვნით, „ნაციონალური მოძრაობის“ წარმომადგენლებმა პარლამენტის ბიუროს მიმართეს.
„ჩვენ არ ვენდობით იმ პროკურატურას, რომელიც ფარცხალაძის ხელით აწარმოებს გამოძიებას და მოვითხოვეთ საგამოძიებო კომისიის შექმნა პარლამენტში. თუ პოლიტიკური ნება არსებობს "ქართულ ოცნებაში" ან "ქართული ოცნების" ნაწილშიც კი, ახალი რეგლამენტის მიხედვით, 50 დეპუტატის ხელმოწერაც კი საკმარისია, იმისათვის რომ საგამოძიებო კომისია შეიქმნას და პასუხი გაეცეს პირველ რიგში თემირლან მაჩალიკაშვილის მამას და მის ოჯახის წევრებს,“- აცხადებს დეპუტატი თინა ბოკუჩავა.