უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
- 23.04.2024 10:37ავტომანქანის ყალბი მართვის მოწმობების დამზადება-გასაღების ფაქტზე ოთხი პირი დააკავეს
არქივი
კომენტარი
„ნაციონალურმა მოძრაობამ“ გადაწყვიტა იაფფასიანი მეთოდებით შეუტიოს კახა კალაძეს - ეკა ბესელია
პარლამენტის იურიდიულ საკითხთა კომიტეტის თავმდჯდომარემ, ეკა ბესელიამ რომან გაცირიძის მოთხოვნა, კახა კალაძისა და „გაზპრომის“ მიერ დადებულ ხელშეკრულებაზე გამოძიება დაიწყოს, „ქართული ოცნების“ თბილისის მერობის კანდიდატზე შეტევად შეაფასა.
ბესელიამ ასევე შეახსენა გოცირიძეს, რომ პარლამენტი წინასაარჩევნო რეჟიმში გადავიდა და პლენარული სხდომები ერთი თვის განმავლობაში არ ჩატარდება.
„უპირველეს ყოვლისა, „ნაციონალურ მოძრაობას“ შევახსენებ, რომ გადაიკითხონ პარლამენტის რეგლამენტი, სადაც აუცილებლად იპოვიან მუხლს, რომ არჩევნებამდე ერთი თვით ადრე, როგორც წესი, პარლამენტის სხდომები არ ტარდება. ეს წესი ყოველთვის, ყველა არჩევნების წინ მოქმედებდა და ამ წესს პარლამენტი იცავდა. საჭიროების შემთხვევაში, პარლამენტმა შეიძლება, რიგგარეშე სხდომები ჩაატაროს.
რაც შეეხება უშუალოდ თემას, არსი მდგომარეობს იმაში, რომ კახი კალაძე „ნაციონალური მოძრაობისთვის“ არის ყველაზე დიდი სამიზნე - გასაგებია რატომაც, ის არის თბილისის მერობის ყველაზე ძლიერი და რეალური კანდიდატი, რომელიც აუცილებლად გაიმარჯვებს არჩევნებში. „ნაციონალურმა მოძრაობამ“ ეს იცის და გადაწყვიტა, იაფფასიანი მეთოდებით მიიტანოს შეტევა ჩვენს კანდიდატზე“, - განაცხადა ბესელიამ.
მან აღნიშნა, რომ „გაზპრომთან“ დადებულ ხელშეკრულებაზე კახა კალაძემ ყველა კითხვას გასცა პასუხი.
შეგახსენებთ, ენმ-ის ერთ-ერთმა ლიდერმა პარლამენტის სპეციალური საგამოძიებო კომისიის შექმნა მოითხოვა, რომელიც კალაძისა და „გაზპრომის“ საკითხს განიხილავს.
ანა მებურიშვილი