უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
არქივი
სამართალი
ნაციონალურმა მოძრაობამ გიორგი ცერცვაძის საქმის გამოძიების მოთხოვნით პროკურატურას მიმართა
ნაციონალურმა მოძრაობამ ვიცე-პოლკოვნიკ გიორგი ცერცვაძის პერსონალური მონაცემების რუსეთისთვის გადაცემის საკითხსზე პროკურატურისგან გამოძების დაწყებას ითხოვს.
შესაბამისი განცხადებით უწყებას პარტიის წევრებმა აკაკი მინაშვილმა და გოგა ონიანმა მიმართეს.
როგორც საკითხის კომენტირებისას მედიას აკაკი მინაშვილმა განუცხადა, მომხდარი არის, საქართველოს ხელისუფლების მხრიდან ღალატის მაგალითი.
„ჩვენ გვაქვს მაგალითი ღალატისა, რომელიც ჩაიდინა საქართველოს ხელისუფლებამ. სამწუხაროა, რომ ბიძინა ივანიშვილმა იუსტიციის და შინაგან საქმეთა მინისტრების მეშვეობით დაიწყო სადამსჯელო ოპერაცია იმ გმირების წინააღმდეგ, რომლებიც იცავდნენ საქართველოს თავისუფლებას და ტერიტორიულ მთლიანობას წლების განმავლობაში. ამის მაგალითია გიორგი ცერცვაძე. ის არ გააფრთხილა საქართველოს ხელისუფლებამ იმ საფრთხის შესახებ, რაც მას ელოდა, როდესაც ის საქართველოს საზღვარს ტოვებდა“,-აღნიშნა მინაშვილმა.
გოგა ონიანის თქმით კი, დაირღვა 319 მუხლი, რომელიც უცხო ქვეყნისათვის, უცხოეთის ორგანიზაციისათვის ან უცხოეთის კონტროლს დაქვემდებარებული ორგანიზაციისათვის მტრულ საქმიანობაში დახმარებას გულისხმობს.
„ეს არის მტრულად განწყობილი სახელმწიფოსათვის დახმარების გაწევა, 319 მუხლი, რომელიც ასევე დარღვეულია როდესც ამ ადამიანის მონაცემები გადასცეს ოკუპანტ ქვეყანას, ისე რომ გია ცერცვაძემ არაფერი იცოდა. ამ ადამიანს უბრალოდ შეეძლო აეღო ბილეთი და პირდაპირ რუსეთში ჩაფრენილიყო, იმიტომ რომ მისთვის აბსოლუტურად არ იყო ცნობილი, რომ რუსეთის მხარის მიერ ეს ადამიანი ინტერპოლით იძებნებოდა. ეს აპასუხისმგებლობა არის საქართველოს ძალოვანი სტრუქტურების პასუხისმგებლობა. ეს იუსტიციის მინისტრის და შინაგან საქმეთა მინისტრების პასუხისმგებლობაა“,-აღნიშნა ონიანმა.
ნაციონალური მოძრაობა გია ცერცვაძის საქმესთან დაკავშირებით საპროტესტო აქციების გამართვას იწყებს. დღეს, პარტიის წევრები შინაგან საქმეთა სამინისტროსთან შეიკრიბებიან.
მონიკა დავლიანიძე