კომენტარი

ნაციონლაური მოძრაობის დაშლით პარლამენტში პოლიტიკური რეალობა არ შეიცვლება - ლევან გოგიჩაიშვილი

საპარლამენტო უმრავლესობის წევრის, ლევან გოგიჩაიშვილის განცხადებით, დაიშლება თუ არა პარლამენტში ნაციონალური მოძრაობა და შექმნიან თუ არა პარტიის წევრები სხვა ფრაქციებს, ამით საკანონმდებლო ორგანოში პოლიტიკური რეალობა არ შეიცვლება.

ამის შესახებ გოგიჩაიშვილმა საკითხის კომენტირებისას მედიას განუცხადა.

„ის პარტია, რომელიც სააკაშვილის პარტიაა, ბუნებრივია, დაკარგავს უმცირესობას. საერთოდ, კითხვის ნიშანია, ეყოლება თუ არა მათ ფრაქცია, იმიტომ, რომ ერთ-ერთი დეპუტატი, სულეიმანოვი არ არის ბოლომდე ჩამოყალიბებული. ყოველ შემთხვევაში ჩვენ ასეთი ინფორმაცია გვაქვს. მაგრამ, ამას არსებითი მნიშვნელობა არ აქვს, იმიტომ, რომ ეს ორგანიზაცია დაიშლება თუ არ დაიშლება, პარლამენტში პოლიტიკური რეალობა არ შეიცვლება“,-აღნიშნა გოგიჩაიშვილმა.

შეგახსენებთ, რომ ნაციონალური მოძრაობიდან წამოსული, ე.წ ბოკერიას გუნდი პარლამენტში ფრაქციის სახელწოდების შეცვლას გეგმავს, ამასთან დამატებით სულ მცირე ორი ფრაქციის შექმნას.

რაც შეეხება პარლამენტში უმცირესობაში დარჩენილ მიხეილ სააკაშვილის გუნდს, მათი განცხადებით ისინიც მოახერხებნ და შექმნიან ფრაქციას.

მონიკა დავლიანიძე