უახლესი ამბები
- 23.04.2024 17:34კონტრაქცია ნიშნავს, რომ „ქართული ოცნების“ ბოლო ჟამია - სოფო ჯაფარიძე
- 23.04.2024 17:26კანონზე მსჯელობენ პოლიტიკური პარტიები პარლამენტში და არა ვიღაც გარედან, თუნდაც პარტნიორი, ოპოზიციამ კეთილი უნდა ინებოს და დაამტკიცოს, რომ კანონი არ არის კარგი - ირაკლი კობახიძე
- 23.04.2024 17:21ბიზნესი მხარს უჭერს „ქართულ ოცნებას“, ხელისუფლებას, იქიდან გამომდინარე, რომ ჩვენი უმთავრესი მიღწევა ამ ქვეყანაში არის ბიზნესის რეკეტის ერთხელ და სამუდამოდ დასრულება - ირაკლი კობახიძე
- 23.04.2024 15:47ჩემი აზრით, ის ხალხი, რომელიც ჩამოდის აქციაზე, ყველაზე საცოდავი ხალხია – იაგო ხვიჩია
- 23.04.2024 15:39საქართველოს ბანკის მხარდაჭერით, საქართველოში KIABI – ს პირველი ფილიალი გაიხსნა
არქივი
პოლიტიკა
ნდობის ჯგუფი დაკომპლექტდება 4 პირით - ირაკლი სესიაშვილი
ნდობის ჯგუფის ოთხი წევრის ვინაობა უკვე ცნობილია. როგორც თავდაცვისა და უშიშროების კომიტეტის თავმჯდომარემ ირაკლი სესიაშვილმა პირველ არხს განუცხადა, ჯგუფის წევრები იქნებიან ეკა ბესელია- უმრავლესობის კვოტითა და არჩილ თალაკვაძე - მაჟორიტარების კვოტით.
„ნდობის ჯგუფი დაკომპლექტდება 4 პირით. უმრავლესობა შემდეგ ბიუროზე წარადგენს არჩილ თალაკვაძესა და ეკა ბესელიას. რაც შეეხება დარჩენილ ერთ კვოტას, ჩვენ ვმსჯელოთ. მე ვფიქრობ, რომ უნდა გამოვნახოთ შესაძლებლობა, რომ ოპოზიცია სრულად იყოს წარმოდგენილი ნდობის ჯგუფში. ამაზე პირადად მე გავმართავ კონსულტაციებს შესაბამისი ფრაქციების ხელმძღვანელებთან“, - განუცხადა სესიაშვილმა „მოამბეს“.
კანონის თანახმად, იმის გამო, რომ სესიაშვილი თავდაცვისა და უშიშროების კომიტეტს ხელმძღვანელობს, ის ავტომატურად ხდება ნდობის ჯგუფის თავმჯდომარე.
ნდობის ჯგუფში საპარლამენტო უმცირესობებსა და იმ ფრაქციებს, რომლებიც უმრავლესობაში არ შედიან, ორი კვოტა ენიჭება. ერთ-ერთი ადგილი „ევროპული საქართველოს“ წევრმა, ირაკლი აბესაძემ დაიკავა, დარჩენილ ერთ კვოტაზე კი წარსადგენ კანდიდატზე 13-კაციანი ჯგუფი უნდა შეთანხმდეს. მასში შედიან „პატრიოტთა ალიანსის“ 6 წევრი, „ერთიანი ნაციონალური მოძრაობის“ 6 წევრი და სალომე ზურაბიშვილი.
საქართველოს კანონით „ნდობის ჯგუფის შესახებ“ ნდობის ჯგუფის ამოცანაა, აკონტროლოს საქართველოს აღმასრულებელი სახელისუფლებო ორგანოების სპეციალური პროგრამებისა და საიდუმლო საქმიანობის ბიუჯეტი.
ანა მებურიშვილი