მსოფლიო

ნებისმიერ მომენტში შემიძლია უკრაინაში დაბრუნება ჩვენების მისაცემად - მიხეილ სააკაშვილი

საქართველოს ყოფილმა პრეზიდენტმა და ოდესის ექს-გუბერნატორმა მიხეილ სააკაშვილმა განაცხადა, რომ მზადაა ქართველ სნაიპერებზე გადაღებული დოკუმენტური ფილმის გამო, უკრაინაში ჩავიდეს. ამის შესახებ მან უკრაინულ არხ NEWSONE-თან ინტერვიუში თქვა.

„ნებისმიერ მომენტში შემიძლია უკრაინაში დაბრუნება და ჩვენების მიცემა ამ და სხვა პროცესზე. ისინი დაინტერესებულები რომ ყოფილიყვნენ ჩემს ჩვენებაში, არ უნდა გაკეთებინათ ის, რაც გააკეთეს [სააკაშვილის პოლონეთში დეპორტირება]“, -თქვა სააკაშვილმა.

მან დაადასტურა, რომ 2014 წელს მაიდანზე იმყოფებოდა, სანამ იანუკოვიჩმა არ აიძულა უკრაინის დატოვება.

ცნობისთვის, საუბარია საგამოძიებო ფილმზე, რომელშიც იმაზე საუბრობენ, რომ 2014 წლის მაიდნის მოვლენებში ქართველმა სნაიპერებმა მიიღეს მონაწილეობა. უკრაინის მთავარ პროკურატურაში განაცხადეს, რომ საქართველოს ყოფილ პრეზიდენტს შეუძლია, ფილმში მოყვანილი ინფორმაციის უარყოფა.